Posts Tagged ‘சங்கரன் கோவில் வட்டம்’

சர்வேஸ்வரன் கோவில் – சங்கரன் கோவில் வட்டம், சேர்ந்தமரம் கிராமத்தில் ஏற்பட்டுள்ள சர்ச்-கோவில் விவகாரம் (2)

நவம்பர் 29, 2013

சர்வேஸ்வரன் கோவில் – சங்கரன் கோவில் வட்டம், சேர்ந்தமரம் கிராமத்தில் ஏற்பட்டுள்ள சர்ச்-கோவில் விவகாரம் (2)

இப்பிரச்சினையைப் பற்றிய விவரங்கள் முதல் பதிப்பில் காணலாம்[1]. இங்கு நடக்கும் செயல்களில் இரு குறிப்பிட்ட வடிவத்தை, முறையை, அமைப்பைக் கவனிக்க முடிகிறது. இங்கு கிருத்துவ-இந்துக்களிடையே மட்டுமல்லாது, முஸ்லிம்களிடையேயும் பிரசினை ஏற்பட வாய்ப்புள்ளது. கிருத்துவர்கள் மற்றும் முஸ்லிம்கள் இந்துக்களின் மீது தான் தங்களது குறியை வைத்துள்ளார்கள். தங்களது எண்ணிக்கையை வளர்க்கத்தான், எல்லாவிதங்களிலும் செயல்பட்டு வருகிறார்கள்.

சேர்ந்தமரம்அருகேஇந்து, கிறிஸ்தவகோயில்களில்தொடர்திருட்டு: சேர்ந்தமரம் அருகேயுள்ள தன்னூத்து கிராமத்தில் வனமூர்த்தியம்மன் கோயில் அருகே ஊற்றடிமாடசாமி கோயிலும் உள்ளது. நேற்று முன்தினம் இரவு கோயில் பூசாரி குருசாமி பூஜையை முடித்துவிட்டு கோயிலை பூட்டி சென்றார். வழக்கம் போல் நேற்று காலை வந்து பார்த்தபோது கதவு உடைக்கப்பட்டிருந்தது கண்டு அதிர்ச்சியடைந்து உள்ளே சென்று பார்த்தபோது அம்மன் கழுத்தில் கிடந்த சுமார் அரைபவுன் கொண்ட தங்க தாலி திருடப்பட்டிருந்தது தெரியவந்தது.மேலும் இக்கோயிலில் இருந்த இரண்டு உண்டியல்களையும் உடைத்து அதிலிருந்த பணமும் கொள்ளையடிக்கப்பட்டுள்ளது. மேலும் அருகில் இருந்த ஊற்றடி மாடசாமி கோயிலில் இருந்த உண்டியலையும் உடைத்து கொள்ளையடிக்கப்பட்டது. இதுகுறித்து கோயில் நாட்டாண்மை முருகேசன் சேர்ந்தமரம் போலீசில் புகார் செய்தார்.இதே போன்று ஆண்டிநாடாரூரில் உள்ள ஆரோக்கிய அன்னதேவ ஆலயத்திலும் ஜன்னல் வழியாக சென்று பீரோவை உடைத்து கொள்ளையடிக்கப்பட்டதாக சேர்ந்தமரம் பங்குதந்தை அந்தோணி வியாகப்பன் சேர்ந்தமரம் போலீசில் புகார் செய்தார். இந்த இருவழக்குகளையும் போலீசார் வழக்குபதிவு செய்து கைரேகை நிபுணர்கள் மூலம் ஆய்வு செய்து விசாரணை நடத்தி வருகின்றனர்[2]. இதெல்லாம் கூட, ஏதோ திட்டமிட்டு இப்பகுதில் செய்து வருவது போலத்தான் தெரிகிறது.

பஸ்பதேஸ்வரரானவரணாட்சிமலைசிவபெருமான்:    “”சாமி… மத்த இடங்கள்ல எப்படியோ தெரியாது… தண்ணீர் வசதி சுமாரான எங்க பூமியில ரெண்டு போக வெள்ளாமை கிடைக்குதுன்னா, அதுக்குக் காரணமே நாங்க குலதெய்வமா வழிபடுற பஸ்பதேஸ்வரரான வரணாட்சி மலை சிவபெருமான் தான்.”-சிவபெருமானின் மலைக் குகைக் கோவில் இருக்கும் மேற்கு காட்டு திசைப் பக்கம் வணங்கி, நமக்குப் பாதையைக் காட்டினார்கள்- நெல்லை மாவட்டத்தின் சுரண்டைப் பக்கமுள்ள திருமலாபுரம் பஞ்சாயத்துத் தலைவரான ரமேஷும் அவரது நண்பரான ரத்தினமும்.

கி.பி.ஏழாம்நூற்றாண்டில்பல்லவ அரசன் கட்டிவைத்துள்ள குடவரைக் கோவில்: கி.பி.ஏழாம் நூற்றாண்டில் தமிழகத்தை ஆண்டு வந்த பல்லவப் பேரரசன் தென்பகுதிக்கு வந்தபோது, கும்பம் போன்று அமைந்திருந்த வரணாட்சி மலையைப் பார்த்திருக்கிறான். அடிப்படையில் சிற்பக் கலையில் ஆர்வம் கொண்ட பல்லவச் சக்கரவர்த்தி, மலையைக் குடைந்து சிவலிங்கம், நந்தீஸ் வரர், விநாயகர், மகாவிஷ்ணு, பிரம்மா போன்ற தெய்வங்களைக் குகையிலேயே வடித்தான். மேலும் ருத்ரதாண்டவம் புரியும் சிவபெருமானின் வடிவங்களை உணர்ச்சி நரம்புகள் புடைக்க தத்ரூபமாக தேர்ந்த சிற்பிகளைக் கொண்டு குகைக் கோவிலில் அமைத்தான். மக்கள் நடமாட்ட மில்லாத- மரங்களடர்ந்த மலைக்குகையில் அமைக்கப்பட்ட இந்த சிவன் ஆலயம், காலப்போக்கில் மக்களின் பார்வைபட்டு வழிபாட்டுத் தலமானது. நெல்லை மாவட்டத்தில் அமைந்திருக்கும் இந்த மலைக் கோவிலின் அருகில்தான் ஊடறுத்துச் செல்லுகிறது சேர்ந்தமரம்- கடையநல்லூர் சாலை. வெகுகாலம் கவனிப்பாரின்றிக் கிடந்த இந்த குகைக் கோவில் சில காலத்துக்குமுன் அடையாளம் காணப் பட்டு வழிபடப்பட்டு வந் தது. மக்கள் வழிபாட்டின் மூலம் இவ்வாலயம் அரசின் கவனத்துக்கு வந்தது.

இந்தியதொல்பொருள்ஆய்வுத்துறையின் கீழ் வந்த கோவில்: கோவிலைச் சுற்றி வேலி அமைத்து, குகைக் கோவிலைத் தன் கட்டுப் பாட்டிற்குள் கொண்டு வந்த இந்திய தொல் பொருள் ஆய்வுத் துறை, “மலைப்பக்கம் அத்துமீறவும் கூடாது. மலைக் கோவிலை மாற்றி அமைக்கவோ புதுப்பிக்கவோ கூடாது’ எனவும் தொல்பொருள் துறையின் 1958-ஆம் வருட விதியைச் சுட்டிக்காட்டித் தடை போட்டது. “அரிய கலைப்படைப்புகள் கொண்ட இந்த ஆலயம் பாதுகாக்கப்பட வேண்டிய ஒன்று. இங்கே அத்துமீறுவோர் தண்டனைக்குள்ளாவார்கள்’ என்று எச்சரித்தது. ஆலயம் தொல்பொருள் துறையின் கட்டுப்பாட்டிற்குள் சென்றதையடுத்து, மனம் புழுங்கிய திருமலாபுரம் மற்றும் அதனைச் சுற்றியுள்ள 23 கிராம மக்களும் தங்களுக்குள் வழிபாட்டு கமிட்டி ஒன்றை அமைத்துக் கொண்டு நீதிமன்றத்தின் கதவைத் தட்டினார்கள்.

மலைக்கோவிலில்மக்கள்வழிபாடுநடத்ததடைகிடையாது: கண் திறந்த நீதியரசர் மலைக் கோவிலில் மக்கள் வழிபாடு நடத்த தடை கிடையாது என்று தீர்ப்பு வழங்கினார். “இது எங்க ளுக்கு மறுஜென்மம் கிடைத்தது போன்றது” என்கிறார்கள் இப்பகுதி மக்கள். “சர்வேஸ்வரன் உயிர்த்துடிப்பாய் நிற்கும் மலையோடு வடிக்கப்பட்ட சிலை பராமரிப் பின்றி காணப்படுவது எங்களுக்கு வேதனையான மனக்குறை” என்கிற தலைவர் ரமேஷும் ரத்தினமும், “பராமரிப்பு உரிமையை மக்களுக் குக் கொடுத்திருந்தால் இன்று நிலைமையே வேறு. எனினும் பூஜைக்காக ஒரு குழுவை ஏற்படுத்தி சிறப்பாகப் பூஜை செய்து வருகிறோம். கார்த்திகை மற்றும் சிவனுக்கே உரிய பிரதோஷ நாள் பூஜைகளையும் எங்கள் பொறுப்பிலேயே நடத்துகிறோம். அந்த சமயங்களில் சுரண்டை, சேர்ந்தமரம், வலசை, கடையநல்லூர் மற்றும் சுற்றுவட்டாரத்திலுள்ள அத்தனை நகர, கிராம மக்களும் கூட்டம் கூட்டமாக வந்து வழிபடுகிறார்கள். எங்களுக்கு செழிப்பைத் தந்த அந்த சர்வேஸ்வரன் மக்களின் வாட்டத்தையும் போக்கு கிறான்” என்று சொல்லிவிட்டு பிரதோஷ பூஜையில் தீவிரமானார்கள். இங்கு பிரதோஷ வழிபாட்டில் கலந்துகொள்ள நிறைய பக்தர்கள் வருவதன் காரணம் என்னவென்று சில பக்தர்களிடம் கேட்டபோது, அவர்கள் உணர்வுபூர்வமாக விவரித்தார்கள். “பொதுவாக எல்லா சிவாலயங்களிலுமே பிரதோஷ வழிபாடு சிறப்பானது தான். ஆனால் இங்கே சிவபெருமான் ருத்திரமூர்த்தியாகவும் சிவலிங்கமாகவும் அமைந்திருக்கிறார். இது வேறு எங்குமில்லாத உலக அதிசயம். அதனால் இங்கு பிரதோஷ வழிபாடு மேலும் சிறப் பானதாக இருக்கிறது” என்றவர்கள், பிரதோஷ வழிபாடு தோன்றிய நிகழ்வையும் உணர்ச்சிப்பெருக்கோடு சொன்னார்கள்.

வரணாட்சிமலைசிவன்கோவில்புராணம்: “தேவர்களும் அசுரர்களும் சிவபெருமானின் அனுமதி பெறாமலேயே பாற்கடலைக் கடைந்து அமுதம் எடுக்க முனைந்தனர். அப்போது கயிறாகப் பயன்படுத்தப்பட்ட வாசுகி என்னும் பாம்பு வலியும் வேதனையும் பொறுக்க மாட்டாமல் ஆலகால விஷத்தைக் கக்கியது. அதன் காரணமாக உலகமே தாங்க முடியாத வெப்பமயமானது. துடித்துப் போன தேவர் களும் அசுரர்களும் சிவபெருமானைச் சரண டைந்து அபயம் வேண்டி நின்றார்கள். மனமிரங்கிய சிவபெருமானும் வெப்பத்தைத் தணிக்கும் பொருட்டு ஆலகால விஷத்தை தானே உட்கொள்ள, அதுகண்டு மிரண்டுபோன உமையவ ளான பார்வதி தேவி சிவனின் தொண் டையை இறுகப் பற்றி விஷம் தொண்டைக்குக் கீழே செல்லாமல் தடுத்தாள். அதனால் விஷமானது சிவபெருமானின் தொண்டையிலேயே தங்கி விட்டது. அதன் காரணமாக சிவபெருமான் மயக்க முற்றுவிட, அனைவரும் செய்வதறியாமல் பதைபதைத்தார்கள். அனைவரும் சிவனைத் துதித்தார்கள். அப்போது சமய சஞ்சீவியாக வந்த நந்தீஸ்வரர் சிவனின் மயக்கத்தைத் தெளிவிக்க, பிறகே கண் விழித்த எம்பெருமான் அனைவரின்மீதும் கருணைப் பார்வையைப் பதித்தார். உலகைக் காக்க விஷம் உண்ட பெருமான் மயக்கம் தெளிந்து கண் திறந்து பார்த்த வேளைதான் பிரதோஷ வேளை. பிரதோஷத்தின்போது சிவபெருமானுக்கும் நந்தீஸ்வரருக்கும் நடக்கும் பூஜையில்- சர்வேஸ் வரன் கண் திறக்கும் வேளையில் பரமனின் பார்வை நம்மீது பதிய வேண்டும்; ஜென்ம சாபல்யம் அடைய வேண்டும் என்பதற்காகவே பக்தர்கள் கூட்டம் அலையடிக்கிறது. கர்மசிரத்தையோடு வழிபடுவதுதான் சிறப்பான அம்சம்” என்றார்கள் மெய்சிலிர்க்க.

வரணாட்சிமலைசிவன்கோவில்உச்சியில்புனிதலூர்துஅன்னையின்ஆலயம்கட்டப்பட்டது: வரணாட்சி மலை சிவன் கோவில் உச்சியில் ஆங்கிலேயர் ஆட்சியின்போது புனித லூர்து அன்னையின் ஆலயம் அமைக்கப்பட்டுள்ளது. இதுவும் மத நல்லிணக்கத்தை வளர்ப்பதாகவே அமைந்துள்ளது[3]. இப்படி நக்கிரனில் எழுதியுள்ளார். ஆனால், உண்மையில் கோவில் நிலத்தில் கட்டியுள்ள செய்தியை அவர் மறைத்துள்ளார் என்றே தெரிகிறது. போட்டிக்கு, தமது காலனிய ஆதிக்கத்தைக் காட்டிக் கொள்ள, சர்ச்சைக் கட்டி, இந்துக்களையும் மதம் மாற்றி, மதம் மாறிய கிருத்துவர்களை வைத்துக் கொண்டே இந்துக்களை எதிர்க்கும் அளவிற்கு, அவர்களது மனங்களில் துவேசத்தை வளர்த்திருக்கிறார்கள், இப்பொழுதும் வளர்த்துக் கொஇருக்கிறார்கள். முதலில் இதைத் தடுக்க வேண்டும்.

இந்துக்களுக்குப் போட்டியாக தேர்த்திருவிழா நடத்துவது: சேர்ந்தமரம் புனித ராயப்பர், சின்னப்பர் ஆலய தேர்பவனி விழா நேற்று கோலாகலமாக நடந்தது.சேர்ந்தமரம் புனித ராயப்பர், சின்னப்பர் ஆலய 215வது ஆண்டு திருவிழா கடந்த 20ம் தேதி கொடியேற்றத்துடன் துவங்கியது[4]. அன்று அசன விருந்து, சிறப்பு நிகழ்ச்சி தொடர்ந்து ஒவ்வொரு நாளும் பாடல்பலி ஆசீர், பூண்டி வர்க்கிஸ் குழுவினரின் தியான வழிபாடு நிகழ்ச்சியும், புனித சின்னப்பர் நற்பணிமன்றம் சார்பில் இன்னிசை கச்சேரி நடந்தது. ஆலயத்தில் 120வது ஆண்டு தேர்பவனி திருவிழாவான நேற்று 7ம் நாள் புனித ராயப்பர், சின்னப்பர் ஆலய தேர்பவனி நடந்தது. இதில் சுற்றுவட்டார கிராமங்களை சேர்ந்த ஏராளமான பக்தர்கள் கலந்து கொண்டனர். இரவு புனித பீட்டர் நடுநிலைப்பள்ளி, புனித ஜோசப் உயர்நிலைப்பள்ளி ஆசிரிய, ஆசிரியைகள் கலை நிகழ்ச்சிகள் நடந்தது. ஏற்பாடுகளை சேர்ந்தமரம் பங்குதந்தை மற்றும் கோவில் நிர்வாகிகள் செய்திருந்தனர். இப்படி கோவில், ஆலயம் என்று சொல்லிக்கொள்வது, கொடியேற்றம், ஆலய  ஆண்டு திருவிழா, தேர்பவனி என்றெல்லாம் நடத்தப் படுவது கிருத்துவத்தில் இல்லை. இருப்பினும் அவை செய்யப்படுகின்றன என்றால், கிருத்துவர்கள் ஏமாற்றுகிறார்கள் என்று தான் அர்த்தம்.

“உள்கலாச்சார மயமாக்கல்” செயல்படுத்தப்படும் முறை: ஆகவே இப்பிரச்சினை பலவிதங்களில், உருவங்களில் ஏற்பட்டு, நிலைத்திருக்கிறது என்று தெரிகிறது. கிருத்துவர்கள் சரித்திர உண்மைகளை புரிந்து கொள்ளாமல் அல்லது சகோதர இந்துக்களுக்கு எதிராக இப்படி “உள்கலாச்சார மயமாக்கல்” என்ற ரீதியில் செய்ல்பட்டுக் கொண்டிருந்தால், மேன்மேலும் பிளவுகள் அதிகம் தான் ஆகும். கால்டுவெல் போன்றோர் இப்பகுதிகளில் முன்பு போட்டு வைத்த விஷவிதைகள் தாம், இப்பொழுது நச்சுமரமாக வளர்ந்துள்ளது. அதமன் நிழலில் வாழும் கிருத்துவர்கள் வெறியர்களாக இருந்தால், பிரச்சினை அதிகமாகத்தான் ஆகும். “சர்வேஸ்வரன்” என்று எப்பொழுதுமே ஜேஹோவாவை, ஏசுவை, கிருத்துவை கிருத்துவர்கள் என்றுமே அழைத்ததில்லை. எனவே, சர்வேஸ்வரனை வைத்துக் கொள்வோம் ஆனால், சிவனை எதிர்ப்போம், கர்த்தர் என்ற வார்த்தையை வைத்துக் கொள்வோம் ஆனால் இந்துக்களை தூஷிப்போம் என்றால் முறையாகாது.

© வேதபிரகாஷ்

29-11-2013


சர்வேஸ்வரன் கோவில் – சங்கரன் கோவில் வட்டம், சேர்ந்தமரம் கிராமத்தில் ஏற்பட்டுள்ள சர்ச்-கோவில் விவகாரம் (1)

நவம்பர் 29, 2013

சர்வேஸ்வரன் கோவில் – சங்கரன் கோவில் வட்டம், சேர்ந்தமரம் கிராமத்தில் ஏற்பட்டுள்ள சர்ச்-கோவில் விவகாரம் (1)

Surandai Amman templeஆக்கிரமிக்கப்  பட்டுள்ள  இந்துகோவிலை  மீட்கக்  கோரி  மக்களைத்   திரட்டி  போராட்டம்: திருநெல்வேலி மாவட்டம், சேர்ந்தமரத்தில் ஆக்கிரமிக்கப்பட்டுள்ள இந்து கோவிலை மீட்கக் கோரி மக்களைத் திரட்டி போராட்டம் நடத்தப் போவதாக விசுவ இந்து பரிஷத் அறிவித்துள்ளது[1]. இதுதொடர்பாக அந்த அமைப்பின் மாநில பொதுச்செயலர் பி.எம். நாகராஜன், திருநெல்வேலியில் செய்தியாளர்களுக்கு திங்கள்கிழமை அளித்த பேட்டி[2]: சேர்ந்தமரத்தில் அமைந்துள்ள அருள்மிகு சர்வேஸ்வரன் திருக்கோவில் 11-ம் நூற்றாண்டை சேர்ந்ததாகும். இந்தக் கோவிலின் கருவறைக்கு முன் பகுதியில் அமைந்துள்ள கல்மண்டபத்தை ஆக்கிரமித்து ஆங்கிலேயர் ஆட்சிக் காலத்தில் கிறிஸ்தவ தேவாலயம் கட்டியுள்ளனர். கருவறையின் கல்மண்டபம் இன்றும் அப்படியே உள்ளது. இந்தக் கோவிலுக்கு சுமார் ரூ. 100 கோடி மதிப்பிலான சொத்து உள்ளது. ஆக்கிரமிப்பின் பிடியில் இருந்து இந்த கோவிலை மீட்க விசுவ இந்து பரிஷத் நடவடிக்கை எடுத்து வருகிறது. இக்கோவிலில் ஆண்டு தோறும் நடைபெறும் ஆனித் திருவிழாவை நடத்தவும், கோவிலை மீண்டும் இந்துக்களிடம் ஒப்படைக்கவும் கோரி போராட்டங்களை நடத்த முடிவு செய்துள்ளோம். சாதுக்கள், துறவிகள், சிவனடியார்களை அழைத்து இந்தப் பகுதியில் உள்ள 30 கிராம மக்களுடன் இணைந்து போராட்டங்களை நடத்தவுள்ளோம் என்றார் அவர். பேட்டியின்போது தமிழ்நாடு துறவிகள் பேரவை மாநில செயலர் சுவாமி ராகவானந்தா, விசுவ இந்து பரிஷத் மாவட்டச் செயலர் செல்லப்பாண்டியன், பா.ஜ.க. முன்னாள் மாவட்ட தலைவர் தீனதயாளன் உள்ளிட்டோர் உடனிருந்தனர்.

Kutralanathan facebook - post with courtesy - blank wall - discussion with policeகிருத்துவ தரப்பில் சொல்லப்படுவதாவது (Sts Peter and Paul Church Dispute Rev Fr Antony Viagappan Interview 26 11 2013)[3]: “சங்கரன் கோவில் வட்டம், சேர்ந்தமரம் கிராமத்தில் சுமார் 400 ஆன்டுகள் பழமை வாய்ந்தது ராயப்பர் சின்னப்பர் ஆலயம் பாரம்பரியமாக சர்வேஸ்வரன் கோவில் என்றே வழங்கப் படுகிறது. இக்கோவிலுக்கு சொந்தமான சொத்துகள், உடமைகள்  அனைத்துமே சர்வேஸ்வரன் கோவில் சொத்துகள் என்று தான் அழைக்கப்பட்டு வருகிறது. 400 ஆண்டுகாலமாக நடந்து வரும் ஆலய பணிகளை, சொத்துகளுக்கு ஏதாவது ஒருவகையில் இடையூறு செய்யவேண்டும் என்று சில மதவவாத மற்றும் சமூகவிரோத சக்திகள் ஒன்று சேர்ந்து கொண்டு இந்தமாதிரியான பிரச்சினைகளை இப்பகுதியில் ஏற்படுத்தி வருகிறார்கள். ஆலயத்திற்கு முன்புள்ள ஒரு வீட்டின் சுவரில் ஒரு (சிவனின்) படத்தை வரைந்து, அதனை வழிபாடு செய்வதற்கான ஏற்பாடுகளை செய்து கொண்டிருப்பதை அறிந்தவுடன் காவல்துறைக்கு நாங்கள் முறையாக தகவல் கொடுத்து அதன் மூலமாக இப்பிரச்சினையை தீர்க்க முயற்சி எடுத்துக் கொண்டு வருகிறோம். இந்த ஆலயத்திற்கும், ஆலயப் பணிகளுக்கும், சுற்றியுள்ள மக்களுக்கும் எந்தவித இடையூறும் ஏற்படக்கூடாது என்று இம்மாவட்ட அதிகாரி தமிழக முதல்வர் முதலியோர் இப்பிரச்சினைக்கு முடிவு காணவேண்டும், சகோதர ஒற்றுமையோடு இருக்க நிர்வாகம் நடவடிக்கை எடுக்க வேண்டும் என்று தாழ்மையுடன் கேட்டுக் கொள்கிறோம்.”, இவ்வாறு ஒரு பாதிரி கூறுவது போல உள்ளது.

Kutralanathan facebook - post with courtesy - blank wallசொந்த  சுவற்றில்  விளம்பரம்  செய்ததில்  தகராறு: தினத்தந்தி இவ்வாறு குறிப்பிட்டாலும், கிருத்துவ பாதிரி ஒரு படம் என்ற்றாலும், அது என்ன என்று தெரியவில்லை. நெல்லை மாவட்டம் சுரண்டை அருகே உள்ள சேர்ந்தமரத்தில் ராயப்பர் சின்னப்பர் ஆலயம் உள்ளது. அந்த ஆலயம் இருக்கும் இடம் சர்வேசுவரன் கோவிலுக்கு சொந்தமான பட்டா நிலத்தில் இருப்பதாக ஒரு தரப்பினர் கூறி வருகின்றனர்[4]. இது தொடர்பாக 2 தரப்பினருக்கு இடையே பிரச்சினை இருந்து வருகிறது. இதுபற்றிய வழக்கும் கோர்ட்டில் நிலுவையில் உள்ளது. அந்த கிறிஸ்தவ ஆலயத்துக்கு முன்பாக வேல்சாமி என்பவர் வீடு உள்ளது. அவர் ஓட்டுனர் பயிற்சி பள்ளி நடத்தி வருகின்றார். அவரது வீட்டு சுவரில் ஓட்டுனர் பயிற்சி பள்ளிக்கு விளம்பர படம் வரைவதற்காக நேற்று காலையில் ஆட்கள் வந்தனர்[5]. அவர்கள் சுவரில் சுவாமி சிவன் படம் வரையத் தொடங்கினார்கள்[6].

Kutralanathan facebook - post with courtesyபேச்சுவார்த்தை  நடந்து  கொண்டிருக்கும்  போது  கல்வீச்சு: இந்த நிலையில் ஒரு தரப்பினர் கிறிஸ்தவ ஆலய மணியை ஒலிக்கச் செய்து சுமார் 100–க்கும் மேற்பட்டவர்கள் அங்கு திரண்டனர். ஒருவர் தன்னுடைய வீட்டின் சுவரில் விளம்பரம் செய்கிறார், படம் வரைகிறார் என்றால், அதனை எப்படி மற்றவர்கள் எதிர்க்கலாம் என்று தெரியவில்லை. அவர்கள், கிறிஸ்தவ ஆலயம் எதிரே இதுபோன்ற விளம்பரம் செய்யக்கூடாது என்று கூறினார்கள். அதாவது, கிருத்ட்ஹுவர்கள் இதில் தீர்மானமாக இருக்கிறாற்கள் என்று தெரிகிறது. இதில் அவர்களுக்குள் வாக்குவாதம் ஏற்பட்டது. இதையடுத்து மற்றொரு தரப்பினர் ஊர் கோவில் / அதாவது சர்ச்சின் ஒலி பெருக்கி மூலம் தகவல் கொடுத்து ஊர் மக்களை திரண்டி கிறிஸ்தவ ஆலயம் அமைந்து உள்ள பகுதியில் குவிந்தனர். இருதரப்பினர் இடையேயும் வாக்குவாதம் ஏற்பட்டது. அப்போது திடீர் என்று கூட்டத்தில் கல்வீசப்பட்டது. இதுவழக்கமான விசயம் தான்.

Silvestar Youth Movement Surandai - Antony church5 பேர்  காயம்: இந்த சம்பவத்தில் ஆறுமுகம் மகன் சங்கர் கணேஷ் (வயது 36), வேலுச்சாமி மகன் செந்தில் குமார் (24), செல்லப்பா மனைவி ராதா (29), கனி மனைவி ராமலட்சுமி (52) ஆகியோர் காயம் அடைந்தனர். மேலும், யூசின் திலீப் (67) என்பவரின் கால் முறிந்தது. அவர்கள் அனைவரும் தென்காசி அரசு ஆஸ்பத்திரிக்கு சிகிச்சைக்காக அனுப்பி வைக்கப்பட்டனர். கலவரத்திற்கு குறைவாக ஒரு மோதல் ஏற்பட்டிருக்கிறது, ஆனால், மக்கள் கட்டுக்குள் கொண்டு வரப்பட்டார்கள் என்ரு தெரிகிறது. ஒரு வேளை, போலீசார் இருந்திருந்ததினால் கட்டுப் படுத்தினார்கள் போலும்!

Surandai - Antony churchபேச்சுவார்த்தை: இந்த சம்பவம் குறித்து தகவல் அறிந்ததும் புளியங்குடி துணை போலீஸ் சூப்பிரண்டு வானுமாமலை, தென்காசி உதவி போலீஸ் சூப்பிரண்டு அரவிந்தன் மற்றும் போலீசார் சம்பவ இடத்துக்கு விரைந்து வந்தனர். அப்போது, ஒரு தரப்பினர் கல்வீச்சு சம்பவத்தில் ஈடுபட்வர்களை கைது செய்யக் கோரி சாலையில் அமர்ந்து தர்ணா போராட்டத்தில் ஈடுபட்டனர். போலீசார் அவர்களிடம் பேச்சுவார்த்தை நடத்தினார்கள்[7]. அதன் பின்னர் அனைவரும் கலைந்து சென்றனர். சம்பவத்தை அடுத்து அங்கு மேலும் பதற்றம் ஏதும் ஏற்படாமல் இருக்க அதிரடி படையினர் மற்றும் போலீசார் பாதுகாப்பு பணியில் ஈடுபட்டு உள்ளனர். சம்பவ இடத்தை மாவட்ட போலீஸ் சூப்பிரண்டு விஜயேந்திர பிதரி பார்வையிட்டு விசாரணை நடத்தினார்.

பிரச்சினையை  சாதகமாக்கிக்  கொண்டு  தங்கசங்கிலி   பறிப்பு: கல்வீச்சு சம்பவம் நடந்த போது அங்கு நின்று கொண்டு இருந்த ஆறுமுகம் மனைவி ராமலட்சுமி என்ற சுமதி (35) கழுத்தில் அணிந்து இருந்த தங்க சங்கிலியை யாரோ பறித்து விட்டதாக சேர்ந்தமரம் போலீசில் புகார் செய்தார். போலீசார் வழக்குப்பதிவு செய்து விசாரணை நடத்தி வருகின்றனர். பிறகு கோவிலுக்குள் சென்று இந்துக்கள் பேசிக்கொண்டதாகத் தெரிகிறது[8].

 Swami Vivekananda pamphlet

ரூ.பலகோடிமதிப்புள்ளகோயில்நிலம்போலிஆவணம்மூலம்விற்றுமோசடி: பஞ்.தலைவர்,செயலர்உட்பட 28 பேர்மீதுவழக்குப்பதிவு: சேர்ந்தமரத்தில் பலகோடி ரூபாய் மதிப்புள்ள கோயில் நிலத்தை போலி ஆவணம் மூலம் தயாரித்து விற்பனை செய்த பஞ்.,தலைவர் உட்பட 28பேர் மீது போலீசார் வழக்குபதிவு செய்துள்ளனர் .நெல்லை மாவட்டம் சேர்ந்தமரத்தில் திருமூல விநாயகர் கோயில் உள்ளது. இந்த கோயிலுக்கு அங்குள்ள பஸ் ஸ்டாண்ட் அருகில் 76 சென்ட் நிலம் இருக்கிறது. நிலம் பல கோடி ரூபாய் மதிப்பு பெரும்.இந்த நிலத்தை அதே ஊரைச் சேர்ந்த கடற்கரையாண்டி மகன் பால்ராஜ் (45) என்பவர் போலி ஆவணங்கள் மூலம் தயார் செய்து தென்காசி மேலகரத்தை சேர்ந்த ஓய்வு பெற்ற விஏஓ முத்துசாமி என்பவருக்கு பவர் கொடுத்துள்ளார். மேலும் நிலத்தை பல்வேறு நபர்களுக்கு விற்பனை செய்துள்ளனர்.இது குறித்து சேர்ந்தமரம் ஊர் நலக் கமிட்டி தலைவர் ஜெயராஜ், செயலாளர் அமல்ராஜ் பாண்டியன், பொருளாளர் ஆறுமுகம் ஆகியோர் மதுரை ஐகோர்ட்டில் வழக்கு தொடர்ந்தனர்.இந்நிலையில் கோயிலையும், கோயில் நிலத்தையும் இந்து அறநிலையத்துறை தனது கட்டுப்பாட்டில் எடுத்துக் கொண்டது. போலி ஆவணங்கள் தயார் செய்து மோசடி செய்தவர்கள் மீது நடவடிக்கை எடுக்க வேண்டுமென ஊர்நலக் கமிட்டி தலைவர் ஜெயராஜ் போலீசில் புகார் செய்தார். ஆக, இவ்வாறு கோவில் நிலத்தை கிருத்துவர்கள் அபகரிப்பு நடத்திவருவது தெரிகிறது.

புகாரின்  பேரில்  சேர்ந்தமரம்  இன்ஸ்பெக்டர்  முத்துராஜ்  விசாரணை  நடத்தினார். சேர்ந்தமரம் கஸ்பா பஞ்.,தலைவரும், தொகுதி சமக செயலாளருமான விசுவாசம், ஓய்வு பெற்ற பிடிஓ கருப்பையா, ஓய்வு பெற்ற விஏஓ முத்துசாமி, மேலநீலிதநல்லூர் ஒன்றிய சமக செயலாளர் மிக்கேல் அந்தோணி ராயப்பன், சேர்ந்தமரம் கஸ்பா பஞ்., செயலர் யோகநாதன், கடம்பன்குளம் தொழிலதிபர் முருகையா, பால்ராஜ் மனைவி கோமு, மணியன் மனைவி சரஸ்வதி, சுப்பிரமணியன் மனைவி பட்டம்மாள், ஆலகாலசுந்தரம் மனைவி முனியம்மாள் உட்பட 28பேர் மீது மோசடி செய்தல், நிலம் அபகரிப்பு செய்தல் போன்ற வழக்குகள் பதிவு செய்து 28பேரையும் போலீசார் தேடி வருகின்றனர். பஞ்.,தலைவர், பஞ்., செயலர் ஓய்வு பெற்ற அதிகாரிகள், சமக பிரமுகர், பெண்கள் உட்பட 28 பேர்மீது வழக்கு பதிவு செய்த சம்பவம் சேர்ந்தமரம் பகுதியில் பெரும் பரபரப்பை ஏற்படுத்தியுள்ளது[9]. நில அபகரிப்பில் ஈடுபட்டவர்கள் காணவில்லை என்பது வேடிக்கையான விசயம். பதிவு நடந்திருப்பதால், அவர்களுடைய முழு விவரங்கள் ஆவணங்களில் இருக்கும்.

© வேதபிரகாஷ்

29-11-2013


[2] தினமணி, சேர்ந்தமரம்கோவிலைமீட்கப்போராட்டம், By திருநெல்வேலி First Published : 16 July 2013 02:54 AM IST,

[6] தினத்தந்தி, சுரண்டைஅருகேஇருதரப்பினர்மோதல்; கல்வீச்சில் 5 பேர்காயம், பதிவு செய்த நாள் : Nov 26 | 02:35 pm