Archive for the ‘விசுவாசம்-நம்பிக்கை’ Category

கிறிஸ்து தாஸ் மகன், ஜான் வெஸ்லி, குழந்தைகள் காப்பகத்திற்குள் குடிபோதையில் அரை நிர்வாணமாக நுழைந்தது, கலாட்டா செய்தது கைதானது!

திசெம்பர் 1, 2019

கிறிஸ்து தாஸ் மகன், ஜான் வெஸ்லி, குழந்தைகள் காப்பகத்திற்குள் குடிபோதையில் அரை நிர்வாணமாக நுழைந்தது, கலாட்டா செய்தது  கைதானது!

Gobi orphanage owner son created havoc with his nudity Nov.2019

ஜான் வெஸ்லி குடித்துக் கொண்டே, சிறுவர்சிறுமியர் காப்பகத்தில் நுழைந்தது: கோபி, பாரியூர் சாலையில், நஞ்சகவுண்டன்பாளையத்தில், ‘கருணை இல்லம்’ என்ற பெயரில், ஆதரவற்ற குழந்தைகள் காப்பகம் இயங்கி வருகிறது[1]. இங்கு 2 முதல் 9 வயது வரை உள்ள ஆண், பெண் குழந்தைகள் உள்ளனர். இங்கு, 25 ஆண் குழந்தைகள், மூன்று பெண் குழந்தைகள் உள்ளனர்[2]. நிர்வாகியாக கிறிஸ்தாஸ், 70, உள்ளார். இவரின் மகன் ஜான் வெஸ்லி, 28; காப்பகத்துக்கு இவர், 25-11-2019 அன்று மாலை, குடிபோதையில் ஆட்டோவில்  வந்ததாக தெரிகிறது. ஜான் வெஸ்லினி என்று தினகரன் குறிப்பிடுகிறது[3]. குழந்தைகள் காப்பகம் நடத்துபவரின் மகன் எப்படி குடிக்கலாம், அவ்வாறு அவர் மகன் வளர்ந்தானா, வளர்க்கப் பட்டானா என்று கவனிக்க வேண்டும். ஏனெனில், ஒருவன் திடீரென்று குடிக்க மாட்டான். அது பழக்கமாகத்தான் இருக்கும். ஆட்டோவில் வந்து இறங்கினான் என்பது, அவனது பழக்கத்தை எடுத்துக் காட்டுகிறது. ஆட்டோவில் இருந்து இறங்கும்போதே அவர் அரை நிர்வாண கோலத்தில் இருந்தார். இதைப்பார்த்து அதிர்ச்சி அடைந்த பெண் குழந்தைகள் அலறியடித்து ஓடினர்.

Gobi orphanage - Tamil Murasu, Nov.2019

குடிபோதையில் யாரும் இல்லை என மற்றொரு காப்பக நிர்வாகி கூறினார்: இதுகுறித்து கோபி டி.எஸ்.பி., தங்கவேல், தாசில்தார் விஜயகுமாருக்கு தகவல் போனது. இருவரும் அங்கு விரைந்தனர். இதைத்தொடர்ந்து, வருவாய் ஆய்வாளர் ரெஜிகுமார் காப்பகத்திற்கு வந்து விசாரணை செய்தபோது, குடிபோதையில் யாரும் இல்லை என மற்றொரு காப்பக நிர்வாகி கூறினார்[4]. இது பொய் என்று நன்றாகவே தெரிகிறது. ஒருவேளை அந்த “இன்னொரு நிர்வாகி” வக்காலத்து வாங்கினார் என்று தெரிகிறது. இதற்கிடையே, தகவல் அறிந்து 300க்கும் மேற்பட்ட கிராம மக்கள் காப்பகம் முன் திரண்டு மறியலில் ஈடுபட்டனர். இந்து முன்னணியினர், பாஜகவினரும் அதில் இருந்தனர் என்று தினகரன் எடுத்துக் காட்டுகிறது. சம்பவ இடத்துக்கு வந்த கோபி டிஎஸ்பி தங்கவேல் தலைமையிலான போலீசார் போராட்டத்தில் ஈடுபட்டவர்களிடம் பேச்சுவார்த்தை நடத்தினர். அப்போது, காப்பக நிர்வாகியின் மகனை உடனடியாக அங்கிருந்து வெளியேற்ற வேண்டும் என பொதுமக்கள் வலியுறுத்தினர்[5].

Gobi orphanage - public protest, Nov.2019

பொது மக்கள் சாலை மறியலில் ஈடுபட்டது: வெஸ்லிக்கு எதிர்ப்பு தெரிவித்து அங்கிருந்த மக்களிடம் சமாதானம் பேசினர். பின், காப்பகத்தில் இருந்த வெஸ்லியை, போலீஸ் ஸ்டேஷனுக்கு அழைத்து சென்றனர். இதனால் அப்பகுதியில் சிறிது நேரம் பரபரப்பு ஏற்பட்டது. இதைத்தொடர்ந்து, தாசில்தார் விஜயகுமார், அங்குள்ள குழந்தைகளிடம் விசாரணை நடத்தினார். 3 மணி நேர போராட்டத்திற்கு பின் போலீசார், காப்பக நிர்வாகியின் மகனை பலத்த பாதுகாப்புடன் காவல்துறை வாகனத்தில் ஏற்றி அழைத்து சென்றனர். விசாரணைக்குப் பின்னர், பொது இடத்தில் தகராறு செய்தல், கொலை மிரட்டல் விடுத்தல், ஆகிய இரு பிரிவுகளின் கீழ் வழக்குப் பதிந்து அவரை கைது செய்தனர் என்கிறது தினகரன். குழந்தைகள் வன்கொடுமை போக்ஸோவில் பதிவு செய்யாதது கவனிக்கத் தக்கது. இதுகுறித்து பொதுமக்கள் கூறுகையில், “பெண் குழந்தைகள் உள்ள காப்பகத்திற்குள் குடிபோதையில் தினமும் காப்பக நிர்வாகியின் மகன் வருவது பெண் குழந்தைகளின் பாதுகாப்புக்கு கேள்விக்குறியாக உள்ளது. உடனடியாக காப்பக அனுமதியை ரத்து செய்ய வேண்டும்’’ என்றனர்.

Half naked drunkard entered Children home 27-11-2019

குழந்தை ஆபாசப் படம் அதிகம் பார்ப்பது தமிழ்நாட்டில் தான்: உலகிலேயே குழந்தைகளின் ஆபாச படத்தை பார்க்கும் நகரம் சென்னை என்ற அதிர்ச்சியளிக்கும் தகவல் வெளியாகி உள்ளது[6]. அமெரிக்க புலனாய்வு அமைப்பான எஃப்.பி.ஐ.க்கு, குழந்தைகள் ஆபாச படங்களை பார்ப்பவர்கள் மீது நடவடிக்கை எடுக்க வேண்டும் என புகார்கள் குவிந்தன[7]. இதனையடுத்து, ஆய்வில் இறங்கிய அந்த அமைப்பு அதிர்ச்சியளிக்கும் தகவலை வெளியிட்டுள்ளது[8]. அந்த அறிக்கையில், குழந்தைகளின் ஆபாச படங்களை பார்க்கும் அதிகம் பார்க்கும் நாடு இந்தியா என்றும், அதிலும் குறிப்பாக சென்னைக்கு முதலிடம் என கூறப்பட்டுள்ளது[9].

Child porn India Tamilnadu, Nov.2019

இந்த அறிக்கையை அமெரிக்க புலனாய்வு அமைப்பு, மத்திய உள்துறை அமைச்சகத்திடம் அளித்துள்ளதாக தகவல்கள் வெளியாகி உள்ளது[10]. அதன் படி, மத்திய உள்துறை தமிழக போலீசுக்கு நடவடிக்கை எடுக்க உத்தரவு பிறப்பித்துள்ளது[11].  முன்னர் அதிக அளவில் அமெரிக்க பிடோபைல்கள் சென்னையிலிருந்து கைதாகினர். குழந்தைகள் காப்பகங்கள் அவகளுக்கு தீனி போட்டது. பாலியல் வன்மையுன் புணர்ந்து அனுபவித்து, ஆபாசப் படங்களையும் எடுத்தனர். வில்ஹியூம் அதற்கு சிறந்த உதாரணம். அந்நிலையில், சென்னை இதில் சிக்கியுள்ளது கவனிக்கத் தக்கது. ஒரு வேளை, அவர்கள் பிடோபைல் ஆனதற்கு சென்னை தான் காரணம், சென்னையில் அத்தகைய வசதிகள் உள்ளன அல்லது ஏற்படுத்திக் கொடுக்கப் படுகின்றன என்றும் குற்றஞ்சாட்டப்படும் போலிருக்கிறது.

YC Dass and John Wesley Mercy Home Gobi

ஒரு குழந்தைகள் காப்பகம் நடத்துகின்றனர் மகன் பாலியல் குற்றத்தில் ஈடுபடுவது சாத்தியமான குற்றமே: மறுபடியும் குழந்தைகள் காப்பகங்கள் விவகாரத்தில், ஒருவர் நிர்வாண கோலத்தில் உள்ளே நுழைந்தான், பெண் குழந்தைகள் பயந்து ஓடினார்கள், என்று செய்திகள் கூறுகின்றன. இதிலும் சம்பந்தப்பட்டவர்கள் கிருத்துவர்களாகவே இருக்கின்றனர். உண்மையில் அவர்கள் சேவை செய்கிறார்களா அல்லது இத்தகைய பாலியல் குற்றங்களில் ஈடுபடுகிறார்களா என்ற கேள்வி எழுகிறது. கருணை இல்லத்தை பற்றிய செய்திகள் முன்னர் நல்ல விதமாகவே இருக்கின்றன. ஆதரவற்றவர்களுக்கு உதவியதாக தெரிய வருகிறது. ஆனால், இப்படி திடீரென்று பாலியல் சதாய்ப்பு, போன்ற கோணத்தில் செய்தி வருவது திகைப்பாக இருக்கிறது. மேலும் தமிழ் ஊடகங்களில், சில இதனை செய்தியாக வெளியிட்டு இருக்கின்றன. ஆங்கில ஊடகங்களில் செய்தி வரவில்லை என்று தெரிகிறது. எது எப்படியாகிலும் சட்டப்படி நடவடிக்கை எடுக்க வேண்டியது அவசியமாகிறது. இங்கு கூட சிலர் பாலியல் வன்முறை தடுப்பு சட்டம் கீழ் வழக்கு பதிவு செய்யப்படவில்லை. இந்திய குற்றவியல் சட்டப் பிரிவுகளில் வழக்குப்பதிவு செய்து கைது செய்யப்பட்டிருப்பதாக தெரிகிறது. அதனால் அவரது ஜாமீன் பெற்று வெளியில் வரலாம் அல்லது வழக்கை நீர்த்துப் போகுமாறும் செய்யலாம். ஆகவே, இத்தகைய பாலியல் ரீதியான குற்றங்கள் முறையாக பதிவு செய்யப்பட்டு, உரிய தண்டனைக்கு குற்றவாளிகள் உள்ளாக்கப்பட வேண்டும், இல்லையென்றால் அவர்கள் திருந்த மாட்டார்கள்.

© வேதபிரகாஷ்

01-12-2019

Gobi orphanage - Dass Nov.2019

[1] தினமலர், குடிபோதையில் வந்த காப்பக நிர்வாகியின் மகனுக்கு எதிர்ப்பு, Added : நவ 26, 2019 08:16

[2] https://www.dinamalar.com/news_detail.asp?id=2420021

[3] தினகரன், குழந்தைகள் காப்பகத்திற்குள் குடிபோதையில் அரை நிர்வாணமாக நுழைந்த நிர்வாகி மகன் கைது, புதன், நவம்பர் 27, 2019.

[4] தமிழ்.முரசு, மது போதையில் அரைகுறை ஆடையுடன் காப்பகத்தில் புகுந்த வாலிபர்: பெண் குழந்தைகள் அலறியடித்து ஓட்டம், 11/26/2019 3:30:51 PM

[5] http://www.tamilmurasu.org/Tamil_News_Details.asp?Nid=126891

[6] தினத்தந்தி, குழந்தைகளின் ஆபாச படத்தை அதிகம் பார்க்கும் பட்டியல் : சென்னை முதலிடம், பதிவு : நவம்பர் 30, 2019, 03:04 AM

[7] https://www.thanthitv.com/News/TamilNadu/2019/11/30030458/1059753/Most-viewed-list–child-pornography-Chennai-First.vpf

[8] தமிழ்.ஏசியாநெட்.நியூஸ், ஆபாச வீடியோக்கள் பார்ப்பதில் முதலிடம் பிடித்த சென்னை..!! வீடு தேடி வந்து அலேக்காக தூக்க தயாராகும் போலீஸ்..!!, By Ezhilarasan Babu, Chennai, First Published 30, Nov 2019, 5:39 PM IST..

[9] https://tamil.asianetnews.com/crime/tamilnadu-have-no-1-for-child-porn-video-viewership-particularly-chennai-has-been-lead-in-list-q1s74c

[10] தமிழ்.பிஹைன்ட்.த.வுட்ஸ், .’சென்னைக்கு முதலிடம்‘…’ஆபாச படம் பாக்குறவங்க லிஸ்ட் ரெடி‘…’ஐபி அட்ரஸ் வந்தாச்சு‘…அதிரடி நடவடிக்கை!, By Jeno | Nov 30, 2019 03:52 PM

[11] https://tamil.behindwoods.com/news-shots-tamil-news/tamilnadu/chennai-tops-globally-in-child-pornography-viewers-says-report.html

மார்ட்டீன் சௌரியப்பன், ரசாயனத்தில் பிஎச்டி செய்யும் மாணவன், தற்கொலை செய்து கொள்ள வேண்டிய அவசியம் என்ன?” கிருத்துவர்கள் தங்களை கவனித்துக் கொள்வது நல்லது!

ஒக்ரோபர் 23, 2019

மார்ட்டீன் சௌரியப்பன், ரசாயனத்தில் பிஎச்டி செய்யும் மாணவன், தற்கொலை செய்து கொள்ள வேண்டிய அவசியம் என்ன?” கிருத்துவர்கள் தங்களை கவனித்துக் கொள்வது நல்லது!

Pastor -Martin, committed suicide vyasar padi, 22-10-2019.

இன்னொரு பாஸ்டர் தற்கொலை செய்து கொள்வது: மறுபடியும், இன்னொரு பாஸ்டர் சர்ச்சில், சர்ச்-வளாகத்தில் இறந்திருக்கிறார். இது இயற்கையாகவே இருக்கலாம், தனிப்பட்ட விசயமாகக் கூட இருக்கலாம். ஆனால், அடிக்கடி நடப்பது கவலையாக, திகைப்பாக மற்றும் வித்தியாசமாக இருக்கிறது. சென்னை வியாசர்பாடி சத்தியமூர்த்தி நகர் பிரதான சாலையில் புனித அந்தோணியார் கிறிஸ்தவ தேவாலயம் உள்ளது[1]. இந்த தேவாலயத்தில் கிளிம்டன் என்பவர் பாதிரியாராக இருந்து வருகிறார்[2]. இவருக்கு உதவியாக ஸ்ரீபெரும்புதூர் பன்னூர் கிராமத்தைச் சேர்ந்த பட்டதாரியான மார்ட்டின் சௌரியப்பன் (Fr C Martin Sowriyappan வயது 37), என்பவர் உதவி பாதிரியாராக இருந்து வந்தார்[3]. M.Sc chemistry பட்டம் கொண்டவர், சென்னை பல்கலைக் கழகத்தில் மேற் படிப்பு பிஎச்.டி படித்து வந்தார்[4]. சர்ச்சில் உள்ள ஒரு அறையில் தங்கி படித்து வந்தார்.  விஞ்ஞானம் படிக்கும் மாணவனுக்கு, இறையியலில் நம்பிக்கையா அல்லது, சர்ச்சில் அறை இருக்கிறது என்று தங்கி இருந்தாரா என்று தெரியவில்லை.

Pastor -Martin, committed suicide vyasar padi, 22-10-2019.News7

இரவு தூங்கச் சென்றவர் எழவில்லை: அக்டோபர் 21, 2019 அன்று இரவு தேவாலயத்தில் வழக்கம்போல் பிரார்த்தனை முடிந்து, அனைவரும் சென்ற பிறகு தேவாலய வளாகத்தில் உள்ள அறையில் மார்ட்டின் தூங்கச்சென்றார்[5]. இதையடுத்து 22ம் தேதி காலை சர்ச்சில் நடக்கும் பூஜைக்கு வரவில்லை[6]. ஆக சர்ச்சில் இருப்பதால், துணை பாதிரியாராக இருப்பதால், எல்லா சடங்குகளிலும் கலந்து கொள்ள வேண்டும் என்ற கடமை இருப்ப்சது தெரிகிறது. நீண்டநேரமாகியும் மார்ட்டின் அறையை விட்டு வெளியே வராததால், சந்தேகமடைந்த கிளிம்டன் அறைக்கு சென்று பார்த்தார். கதவு உட்பக்கமாக தாழிடப் பட்டிருந்தது. நீண்ட நேரம் தட்டியும் கதவை திறக்காததால், சந்தேகமடைந்த கிளிம்டன் அறையின் கதவை உடைத்து உள்ளே சென்றார். வேறு ஒரு சாவியை வைத்து / மாற்று சாவி மூலம் திறந்து பார்த்தனர் என்று “புதிய தலைமுறை” கூறுகிறது[7]. அங்கு மார்ட்டின் மின் விசிறியில் தூக்கிட்டு தூக்கில் தொங்குவதை கண்டு அதிர்ச்சி அடைந்தார். இது குறித்து கிளிம்டன் வியாசர்பாடி போலீசுக்கு தகவல் தெரிவித்தார். கடந்த ஒரு வாரமாகவே மார்டின் அனைவரிடத்திலும் சகஜமாக பேசாமல் மனச்சோர்வுடன் இருந்ததாகவும், எதனால் இந்த முடிவுக்கு வந்தார் என தெரியவில்லை எனவும் அவருடன் பழகியவர்கள் தெரிவித்தனர்[8]. உடல் ஆரோக்கிய விசயமாக என்று “டைம்ஸ் ஆப் இந்தியா” கூறுகிறது. தகவலறிந்த போலீஸ் இன்ஸ்பெக்டர் சந்திரசேகர் மற்றும் போலீசார் சம்பவ இடத்திற்கு விரைந்து சென்றனர். அதன் பின்னர், மார்ட்டின் உடலை கைப்பற்றி பிரேத பரிசோதனைக்காக சென்னை ஸ்டான்லி மருத்துவமனைக்கு அனுப்பி வைத்தனர்[9]. இது குறித்து போலீசார் வழக்குப்பதிவு செய்து, மார்ட்டின் தற்கொலைக்கான காரணம் குறித்து விசாரணை நடத்தி வருகின்றனர்[10]. உதவி பாதிரியார் ஒருவர் தற்கொலை செய்து கொண்டது அப்பகுதியில் பரபரப்பை ஏற்படுத்தியது.

Pastor committed suicide vyasar padi, 22-10-2019

எல்லா வசதிகளையும் கொண்ட கிருத்துவர்கள் எப்படி மாணவர்களை இந்நிலைக்கு செல்ல விடுகிறார்கள்?: கிருத்துவர்கள் பள்ளிகள், கல்லூரிகள், போன்ற இடங்களில் மனோதத்துவ ரீதியில் செயல்பட்டு வருகிறார்கள். சர்ச்ச்சுகளிலேயே மனநிலை பாதிக்கப்பட்டவர்களுக்கு ஆறுதல்- ஆலோசனை கூறுதல் போன்ற காரியங்களில் கிருத்துவ மதக்குருக்கள், பாஸ்டர்கள் மற்றும் பாதிரிகள் ஈடுபட்டு வருகிறார்கள். அது போன்றே மற்ற துறைகளில் ஈடுபட்டு வருகிறார்கள். பாவமன்னிப்பு விஷயங்களிலும் அவர்கள் ஆலோசனை என்ற பெயரில் அறிவுரை வழங்கி வருகிறார்கள். ஆரோக்கியம், உடல்நிலை அல்லது மற்ற ஆரோக்கிய பிரச்சனைகளில் இருந்து இருந்தாலும் அவர்களுக்கு பெரிய பெரிய மருத்துவர்கள் எல்லாம் இருப்பதாலும், அவர்களே பெரிய மருத்துவர்களாகவும் இருப்பதால், அம்மாணவனுக்கு, உரிய ஆலோசன, மர்ய்த்துவ சிகிச்சை அளித்திருக்கலாம். ஆனால் இவற்றையெல்லாம் மீறி தற்கொலை கொண்டான் என்பது விசித்திரமாக இருக்கிறது.

Pastor -Martin,preventing pastor suicide

கிருத்துவர் தங்களை சரிசெய்து கொண்டு கட்டுக் கோப்பாக இருக்கலாம்: கிருத்துவர்கள் தங்களுக்கு இவ்வாறான சகல வசதிகளும், வாய்ப்புகளும், இருக்கின்ற நிலையில் மெத்தப் படித்லொரு மாணவனை காப்பாற்ற முடியவில்லை என்ற நிலையில், அவர்கள் மற்ற மதத்தினரை மாற்ற வேண்டும், மதமாற்ற வேண்டும் என்ற செயல்களில் ஈடுபடுவது எதற்காக என்ற கேள்வியும் எழுகின்றது. ஏனெனில் அவர்கள் தமது கொள்கைகளில் விசுவாசம், நம்பிக்கை கொண்டவர்களை, அவர்களது மனநிலை உடல்நிலை முதலியவற்றை அவர்களால் சரி செய்ய முடியவில்லை அல்லது கட்டுக்கோப்பாக வைத்துக்கொள்ள முடியவில்லை என்று நிலையில், மற்றவர்களை மதமாற்றி, மேலும் தங்களது ஜனத்தொகையை பெருக்கிக் கொள்வதில் என்ன பலன், இதனால் அவர்களது விசுவாசம்-நம்பிக்கை வளர்கிறதா அல்லது வெறெந்த பலன் உள்ளதா போன்ற கேள்விகள் எழுகின்றன. அவர்களுக்கு வேறு திட்டம் ஏதாவது இருக்கின்றதா என்ற கேள்விகளும் எழுகின்றன. ஆகவே, தன்களது நம்பிக்கை-விசுவாசத்தைக் காப்பது தான் நல்லது என்று தெரிகிறது. இது எல்லா மதங்களிலும் ஒரு பொதுப் பிரச்சினையாக இருக்கிறது. உலகம் முழுவதும் அதிகம் ஆதிக்கம், பண-பலம் கொண்ட கிருத்துவர்கள், தங்களது மத நிறுவனங்கள், மடாலயங்கள் மற்ற அவற்றின் நிர்வாகத்தில் உள்ளவர்களை. ஒழுக்கமாக வைத்துக் கொள்வது தான் சால சிறந்தது என்று தெரிகிறது.

Pastor -Martin,preventing pastor suicide-2

சர்ச்சுகளுக்கு, பாஸ்டர்களின் தற்கொலையை தடுக்க பொறுப்புள்ளது: இதை பற்றி, அமெரிக்க ஐரோப்பிய நாடுகளில் பல ஆராய்ச்சிகள் செய்து, அவர்கள் தற்கொலை தடுக்க வழிமுறைகள் என்ன என்பதையும் எடுத்துக் காட்டியுள்ளனர் அவற்றிலும் சில முக்கியமான முடிவுகள் எடுத்துக் காட்டப் படுகின்றன-

  1. முதலில் விசுவாசம் என்று எப்படி தனக்காக பிரார்த்தனை செய்து கொள்கிறோமோ, அதேபோல அந்த பாஸ்டருக்கும் அவனுடைய குடும்பத்தினர்களும் பிரார்த்தனை செய்ய வேண்டும்.
  2. ஏதாவது விமர்சனம் வந்தால் அதை உடனடியாக கவனிக்கப்பட வேண்டும்.
  3. குறைந்த பட்சம் மூன்று வாரம் ஒரு முறை அதாவது சம்பளத்துடன் கூடிய விடுமுறை ஒரு வருடத்தில் கொடுக்கப்பட வேண்டும். அப்போதுதான் அவன் தனியாகவோ அல்லது தனது குடும்பத்தாருடனோ பொழுதை கழிக்க முடியும்.
  4. அதேபோல ஐந்து ஆண்டுகளுக்கு ஒரு முறையும் நான்கு மாத சம்பளத்துடன் கூடிய விடுமுறை கொடுக்கப்பட வேண்டும்.
  5. அவர்களுக்கும் ஆலோசனை கொடுக்கப் பட வேண்டும் அதாவது மனம்-உடல் ரீதியில் ஆலோசன மற்றும் ஆஹரவு கொடுக்கப் படவேண்டும்.
  6. சடங்குகள் முதலியவற்றில் அவருக்கே உரித்தான பணம் கிடைக்க வழிசெய்ய வேண்டு.

மேலே கூறியபடி சர்ச்சுகள் தங்களது விசுவாசிகளை ஒழுங்காக வைத்துக் கொண்டால் போதும்.  இந்தியாவில் மற்ற பிரச்சனைகளை தலையிட வேண்டிய அவசியமில்லை.

 

© வேதபிரகாஷ்

23-10-2019.

Pastor -Martin,preventing pastor suicide-3

[1] தினத்தந்தி, வியாசர்பாடியில் தேவாலய வளாகத்தில் பாதிரியார் தூக்குப்போட்டு தற்கொலை, பதிவு: அக்டோபர் 23, 2019 04:00 AM

[2] https://www.dailythanthi.com/Districts/Chennai/2019/10/23005728/At-the-church-complex-in-Vyasarpadi-The-priest-commits.vpf

[3] Times of India, Pastor found hanging on church premises, tnn | Updated: Oct 23, 2019, 4:13 IST.

[4] https://timesofindia.indiatimes.com/city/chennai/pastor-found-hanging-on-church-premises/articleshow/71712356.cms

[5] News7, தேவாலய வளாகத்தில் தூக்கிட்டு தற்கொலை கொண்ட பாதிரியார் !, October 22, 2019, By : Niruban.

[6] https://ns7.tv/ta/tamil-news/tamilnadu/22/10/2019/suicide

[7] புதியதலைமுறை, பாதிரியார் தூக்கிட்டு தற்கொலைபோலீசார் விசாரணை, Web Team Published : 22 Oct, 2019 08:11 pm.

[8] http://www.puthiyathalaimurai.com/news/tamilnadu/73714-chennai-based-church-father-commits-suicide.html

[9] தினகரன், சர்ச் அறையில் தூக்கிட்டு பாதிரியார் தற்கொலை: போலீஸ் விசாரணை, 2019-10-23@ 00:32:31

[10] http://www.dinakaran.com/News_Detail.asp?Nid=535498