Archive for the ‘மோர்மோன்’ Category

மேரி மேக்தலினும், ஏசுவின் மனைவியரும், பிள்ளைகளும்: கட்டுக் கதைகளைப் பரப்புவதில் இந்துத்துவ வாதிகள் ஏன் உள்ளனர்? [2]

மார்ச் 16, 2019

மேரி மேக்தலினும், ஏசுவின் மனைவியரும், பிள்ளைகளும்: கட்டுக் கதைகளைப் பரப்புவதில் இந்துத்துவ வாதிகள் ஏன் உள்ளனர்? [2]

Mary Magdalene myth - Da vinci code

மேரி மக்தலீன், புனித கோப்பை, தொடர்ந்து வரும் வம்சாவளி[1]: ஏசுவின் வாரிசுகளை ஆதரிக்கும் ரகசியக் குழுவில் டா வின்சியும் உறுப்பினராம். யூதாஸால் காட்டிக் கொடுக்கப்படுவதற்கு முன்பு தன் சீடர்களுடன் கடைசியாக ஏசு கிறிஸ்து உணவருந்திய காட்சியை டா வின்சி ஓவியமாக தீட்டியிருக்கிறார். அதில் ஏசுவுக்கு அருகே உட்கார்ந்திருப்பது சீடர் ஜான் அல்ல. அது மேரி மக்தலீன் என்பது டான் பிரவுனின் கருத்து. கடைசி விருந்தில் ஏசு பயன்படுத்திய கோப்பை, கிறிஸ்தவர்கள் மத்தியில் புனிதமாகக் கருதப்படுகிறது. அதில் கடவுளின் ரத்தம் இருப்பதாகக் கருதப்படுகிறது. டா வின்சியின் ஓவியத்தில் கோப்பையே கிடையாது. காரணம், கோப்பை என்பது ஒரு குறியீடுதான். ஏசுவின் ரத்தத்தைத் தன் வயிற்றில் உள்ள குழந்தை வடிவத்தில் தனக்குள் வைத்திருக்கும் மேரி மக்தலீன்தான் அந்தக் கோப்பை என்பது டான் பிரவுனின் வியாக்யானம்[2].

Merovingian dynasty

உண்மையினை மறைக்க, படத்தை அமுக்கி விட்டனர்[3]: டா வின்சியின் புகழ்பெற்ற மோன லிசா ஓவியமும் படத்தில் வருகிறது. மோன லிசா பெண்ணே அல்ல. டா வின்சி தன்னைத்தானே ஓவியமாக தீட்டிக் கொண்டிருக்கிறார் என்பது டான் பிரவுனின் இன்னொரு வியாக்யானம். நாவலாகப் படிக்கும்போது சுவாரஸ்யமாக இருந்த கதை, சினிமாவாக எப்படி இருக்கும்? இந்த வாரம் நடந்த சர்வதேசப் பத்திரிகையாளர் பிரிவியூவுக்குப் பின் பல பத்திரிகையாளர்கள், ‘படம் செம போர்’ என்று சொல்லி விட்டார்கள். ‘மர்மப் படத் துக்கு சரிப்பட்டுவராத விதத்தில் வளவள என்று நிறைய பேச்சு, சாதாரண பார்வையாளர்களுக்கு விளங்காத கிறிஸ்தவ மதக் கோட் பாடுகள்- குறியீடுகள், டாம் ஹாங்க்ஸின் உணர்ச்சியற்ற நடிப்பு எல்லாம் சேர்ந்து ஒரே போர்’ என்று சொல்லப்பட்டுள்ளது. எதிர்ப்பாளர்களின் சர்ச்சையை மீறி நாவல் பெரும் வெற்றியடைந்தது போல, விமர்சகர்களின் கருத்தை மீறி படமும் வெற்றி பெறுமா என்பது அடுத்த வாரம் தெரிந்துவிடும். மதம், கடவுள் தொடர்பான விஷயங்களில் ஒரு படைப்பாளிக்கு எந்த அளவுக்குக் கற்பனைச் சுதந்திரம் அனுமதிக்கப்படும் என்பது எல்லா சமூகங்களிலும் ஒவ்வொரு காலகட்டத்திலும் விவாதமாகிறது. அதில் இன்னொரு மைல் கல்… ‘டா வின்சி கோட்’[4].

Merovingian STAR

சர்டிபிகேட்டுடன் படத்தை திரையிட அனுமதி வழங்கப்பட்டு வெளி வந்த படம்[5]: இந்தியாவைப் பொறுத்தவரை படத்தைப் பார்த்துவிட்டுத் தானே முடிவு செய்யப் போவதாக மத்திய தகவல் ஒலிபரப்புத் துறை அமைச்சர் பிரியரஞ்சன் தாஸ் முன்ஷி அறிவித்தார். இதற்கு முன் அமீர்கானின் ‘ரங் தே பசந்தி’ படம் பற்றியும் சர்ச்சை வந்தபோது தானே ஐந்து முறை படத்தைப் பார்த்துவிட்டு அனுமதித்ததாக சொல்லியிருக்கும் தாஸ் முன்ஷி, தற்போது ‘தி டா வின்சி கோட்’ படத்தைப் பார்த்திருக்கிறார். ஆரம்பத்தில் கடுமையாக எதிர்ப்புக் காட்டிய கிறிஸ்தவ அமைப்புகளும், ‘ஆட்சேபகரமான காட்சிகளை வெட்டிவிட்டுப் படத்தைத் திரையிடலாம்’ என்று இறங்கிவர, ‘ஏ’ சர்டிபிகேட்டுடன் படத்தை திரையிட அனுமதி வழங்கப்பட்டது[6].

Battle of Armageddon

சரித்திர ஆதாரங்கள் இலாததால் கிருத்துவத்தில் உள்ள பிரச்சினை: கிருஸ்தோலாஜி / கிருஸ்துவயியல் (Christology) என்பது கிருஸ்துவைப்பற்றி படிப்பது, ஆராய்ச்சி செய்வது, அறிவதாகும்.  ஜீஸஸ் (Jesus), கிருஸ்து (Christ) என்ற இரு சித்தாந்தங்கள் ஒன்று சேர்ந்து ஜீஸஸ் கிரைஸ்ட் (Jesus Christ) அதாவது ஏசுகிருஸ்து என்பது உருவாக்கப்பட்டது. ஆகவே ஏசுகிருஸ்து சரித்திரரீதியாக இருந்தாரா இல்லையா என்ற விவாதம் இருந்து வருகிறது. மனித கிருஸ்து (Human Christ), சரித்திரக் கிருஸ்து (Historical Christ) மற்றும் தெய்வ கிருஸ்து (Divine Christ) என்ற வாதங்களும் உண்டு.

  1. மனித கிருஸ்து (Human Christ): கிருத்துவயியலைப் போற்றுபவர்கள், பின்பற்றுபவர்கள் மற்றும் பரப்புபவர்கள் இத்தகைய பிரச்சினைகள முன்வைத்து தமது கொள்கைகளை நிலைநிறுத்தப் பார்ப்பார்கள். அதாவது, கிருத்துவிற்கு கல்யாணம் ஆனதா இல்லையா, மேரி மேக்தலீன் கிருத்துவை மணம் செய்து கொண்டார்களா இல்லையா, அவர்களுக்கு குழந்தைகள் உள்ளனவா இல்லையா, 13 வருட இடைக்காலத்தில் அவர் எங்கு இருந்தார், இந்தியாவிற்கு வந்தாரா இல்லையா, ……………..என இப்படி எல்லாம் கேள்விகள் எழுப்பினால், பலரும் பற்பல விவாதங்களுடன் களமிருங்குவர். பதில் சாதகமாகவோ, பாதகமாகவோ இருந்தாலும், ஏசுகிருஸ்து இருந்தார் என்று ஒப்புக்கொண்டு இந்த விவாதங்களில் ஈடுபடவேண்டியிருக்கும்.
  2. சரித்திரக் கிருஸ்து (Historical Christ): ஆனால் சரித்திர ரீதியாக ஏசுகிருஸ்து இல்லை என்று இன்றைய ஆராய்ச்சிகள் மெய்ப்பிக்கின்றன. இதுதான், இன்றைய ஐரோப்பிய, அமெரிக்க மக்களின் நிலையாகிறது. அதனால் தான் சர்ச்சுகளுக்கு போகும் நம்பிக்கையாளர்களின் எண்ணிக்கை குறைகின்றன, சர்ச்சுகளும் விற்கப்படுகின்றன.
  3. தெய்வ கிருஸ்து (Divine Christ):  இதெல்லாம் கிருஸ்துவை தெய்வமாகக் கருதுபவனுக்குக் கவலையில்லை. நம்பிக்கையாளனுக்கு தெய்வம் இருப்பது அவனது நம்பிக்கை. அதை எந்த உண்மையான நம்பிக்கையாளனும் விமர்சிக்கப் போவதில்லை.Jesus never crucified, died in Kashmir - Hindutwa vadis believe

நியூசிலாந்த்தில் கிருத்துவன் துலுக்கரைக் கொன்றான் என்று பதிவு போடுவது சரியில்லை: 15-03-2019 அன்று கிரைஸ்ட்சர்ச்சில் உள்ள அல்-நூர் என்னும் மசூதியில் தொழுகை நடத்துபவர்களை குறிவைத்து துப்பாக்கிச்சூடு நடந்தது. நியூசிலாந்து கொலைகாரன் ஒரு டெம்ளர், கத்தோலிக்க வெறியாளன் என்று சில நண்பர்கள் பதிவு செய்து மகிழ்வது போல உள்ளது, இது ஆபத்தானது. ஏனெனில் முட்டாள் இந்துக்களில் பலர், “இந்தியாவில் ஏசு” போன்ற கட்டுக் கதைகளை நம்புகின்றனர். யோகானந்த பரம ஹம்ஸர், மற்ற பலர் செக்யூலரிஸ இந்துத்துத்துவ சாமியார்கள் நம்புகிறார்கள். ஆன்மீகப் பார்வையில் புரட்டு புரட்டு வேலை செய்து கொண்டிருக்கின்றனர், ஏனெனில் அயல்நாட்டவர்களிடத்திலிருந்து பணம் வருகிறது. ஏசு மேரி மேக்தலினை கல்யாணம் செய்து கொண்டார், அவர்கள் வழி வந்தவர் நாங்கள் என்று டெம்ப்ளர்கள் சாதிக்கின்றனர், கத்தோலிக்கதைக் காக்கும் வீரர்கள் என்று பறைச் சாற்றிக் கொள்கின்றனர்.  ஆகவே, அவர்களுக்குள் இருக்கும் பிரச்சினை வேறு, இந்துக்கள் நுழைவது வேறு.

Jesus never crucified, died in Kashmir - Hindutwa vadis, RSS believe

ஆர்.எஸ்.எஸ் இக்கட்டுக்கதைகளை ஊக்குவிப்பதேன்?: ஆர்.எஸ்.எஸ்.ல் சிலர் இக்கட்டுக் கதைகளை ஊக்குவிப்பதும் தெரிகிறது. ஸ்லீப்பர் வேலை செய்கிறார்களா முட்டாள் இந்துக்கள் என்று சந்தேகிக்க தோன்றுகிறது. ஏசு மனநிலை பாதிக்கப் பட்டவர் என்று ஒருவர் அடிக்கடி பரப்பி வருவதை கவனிக்கலாம்[7], இன்னொருவர் நானே ஏசு என்று சொல்லிக் கொள்கிறார். மறுபடியும் சிலுவை போர்கள் நடக்க வேண்டும் என்று ஆசைப்படுகின்றனரா? அர்மகதான் [Battle of Armageddon] யுத்தம் தேவையா?

Battle of Armageddon

உண்மையில் இந்த இந்துத்துவ வாதிகளுக்கு, இதெல்லாம் தெரியுமா அல்லது தெரிந்து துணை போனால் விவகாரம் வேறு, தெரியாமல் துணை போனால் ஆபத்து. எச்சரிக்கை! டெம்ப்ளர்களை களைத்த போது, அவர்கள் பிரீமேசன்கள் ஆனார்கள் என்கிறார்கள், இவர்கள் எல்லோருமே மேஸோனிக் குழுக்களில் அடங்குவர்! பாவம், கன்னித் தாய், சிலுவையில் மரிப்பு, உயிர்த்தெழுதல், எழும்பி சுவர்கத்திற்குசென்றது, முதலியவற்றை நம்புவது கிருத்துவம்[8].

Jesus mentally ill

ஆனால், ஏசுக் கட்டுக் கதைகள், அவற்றிற்கு விரோதமானவை, ஏற்று கொள்ளப் படாதவை! குரான் ஆதரிப்பதால், இந்துக்கள் ஆதரிப்பது சரியில்லை! அடிப்படை மத உண்மைகள் அறிந்து கொண்டால், எல்லோருக்கு நல்லது. ஆனால், இப்பொழுது நடப்பதெல்லாம் நல்லதல்ல. ஏசு தமிழ் இந்து தான், கடையாக, சரவவண பவ ஹோட்டலில் இட்லி, தோசை எல்லாம் சாப்பிட்டார். தமிழச்சியை காதலித்து கல்யாணம் செய்து கொண்டு கொரியாவில் இறந்தார், அங்குள்ள சமாதியை ஒரிசா பாலு கண்டு பிடித்தார். இப்படியெல்லாம் சொன்னால் கூட நம்மாட்கள் நம்புவார்கள் போலும்.

© வேதபிரகாஷ்

16-03-2019

Jesus had 12 wives

[1] விகடன், ஏசுவின் மனைவி இவளா?. ஞாநி, வெளியிடப்பட்ட நேரம்:06:00 (24/05/2006)

[2] https://www.vikatan.com/juniorvikatan/2006-may-24/special/78258.html

[3] விகடன், ஏசுவின் மனைவி இவளா?. ஞாநி, வெளியிடப்பட்ட நேரம்:06:00 (24/05/2006)

[4] https://www.vikatan.com/juniorvikatan/2006-may-24/special/78258.html

[5] விகடன், ஏசுவின் மனைவி இவளா?. ஞாநி, வெளியிடப்பட்ட நேரம்:06:00 (24/05/2006)

[6]  https://www.vikatan.com/juniorvikatan/2006-may-24/special/78258.html

[7] https://www.express.co.uk/news/uk/341926/Jesus-Christ-may-have-suffered-from-mental-health-problems-claims-Church-of-England

[8] Concept of sin, Immaculate Conception. Virgin birth, Crucifixion, Resurrection, Ascension, Trans-substantiation…

மஹாத்மா காந்திற்கு ஞானஸ்நானம் செய்வித்தார்களாம், சுன்னத்தும் செய்விப்பார்களா?

மார்ச் 1, 2012

மஹாத்மா காந்திற்கு ஞானஸ்நானம் செய்வித்தார்களாம், சுன்னத்தும் செய்விப்பார்களா?

அமெரிக்காவில் எல்லாவற்றிலும் மிஞ்சிதான் உள்ளது: 1948ல் இறந்த மஹாத்மா காந்திற்கு மார்ச் 27, 1996 அன்று ஞானஸ்நானம் செய்விக்கப்பட்டதாம்; அது நவம்பர் 17, 2007 அன்று உறுதி செய்யப்பட்டதாம்; இப்பொழுது இந்த விவரங்களை ஹெலன் ராட்கி (Helen Radkey) என்ற ஆராய்ச்சியாளர் இப்பொழுது வெளிப்படுத்தியுள்ளார். இதற்கான சர்ச்சின் ஆவணத்தை கீழே காணலாம், ஆமாம், காந்தியை கிருத்துவராக்கி, அவருக்கு சான்றிதழும் கொடுத்துள்ளார்கள்:

இல்லாத நபருக்கு ஞானஸ்நானம்: பின்வந்த துறவிகளின் ஏசுகிருஸ்துவின் சபை (Church of Jesus of Later day Saints – LDS) என்ற சர்ச் அமெரிக்காவில் உள்ளது. அதன் தலைமையகம் உடா (Utah) என்ற இடத்தில் உள்ள, உப்பு ஏரி நகரத்தில் (Salt Lake City) உள்ளது. அதுதான் இறந்து விட்ட மஹாத்மா காந்திற்கு ஞானஸ்நானம் (Baptism by proxy) செய்வித்ததாம். பிறகு சாவோ பௌலோ (Sao Paulo) என்ற பிராசில் நாட்டிலுள்ள நகரத்தில் இது நவம்பர் 17, 2007 அன்று உறுதி செய்யப்பட்டது. காந்தி ஒருவேளை ஆவியாக வந்திருப்பாரோ என்னமோ, தெரியவில்லை. இந்தியாவிலும் இவர்களது சர்ச் உள்ளது. அவர்களது 12 அப்போஸ்தலர்களில் சிலர் இங்கு வந்தபோது, அவர்கள் இந்தியர்களுடன் எடுத்துக் கொண்ட போட்டோ கீழே உள்ளது:

இந்தியத்தந்தை என்றால், தாய் யார் என்று கேட்டு தூஷிக்கும் இந்தியர்கள், அறிவுஜீவிகள்: இந்தியாவில் எதற்கும் ஆதரவு இருக்கும் போலயிருக்கிறது. இவர்களையும் அப்போஸ்தலர்கள் என்றால், அவர்களுக்கும் கூட்டம் இருக்கிறது. பிறகென்ன, காந்திக்கு மட்டுமல்லாது, காந்தியின் மகன், பேரன் என்று எல்லோருக்கும் ஞானஸ்நானம் செய்து வைப்பர். காந்தியை எப்படியல்லாம் தூஷிக்கலாம் என்றால், அதற்கும் ஒரு கூட்டம் உள்ளது. “மஹாத்மா” ஒப்புக்க்கொள்ளமாட்டேன், ஆனால் “உத்தமர்” என்றால் ஏற்றுக்கொள்வேன் என்ற உலுத்தர்களும் இந்நாட்டில் தான் உள்ளார்கள். இருப்பினும் செத்தவர்களுக்கு எப்படி ஞானஸ்நானம் / சுன்னது முதலியவை செய்து வைப்பார்கள் என்று தெரியவில்லை. இதற்காக தனியான தொழிற்நுட்பம் வைத்திருப்பார்கள் போலிருக்கிறது.  சபையானது மோர்மோன் (Mormon Church) சர்ச் நஎன்று பிரபலமாக வழங்கி வருகிறது.  அமெரிக்காவில் இப்பொழுது வேகமாக வளர்ந்து வரும் சர்ச்சுகளில் இதுவும் ஒன்று. ஜனாதிபதியாக வேண்டும் என்று ஆசைப்படும் ஜான் கெர்ரி (John Kerry) என்ற செனேடர் மற்றும் அந்நிய உறவுகள் கமெட்டியின் தலைவர், ஜான் ஹன்ட்ஸ்மேன் (John Huntsman) சைனாவின் முந்தைய அமெரிக்க தூதர் முதலியோர் முக்கியமான மோர்மோன்கள் ஆவர். இம்முறையில் அதிகாரத்தையும் வளர்த்து வருகிறது.

இணைத்தளத்தின் வெளியிட்ட சான்றிதழை நீக்கி விட்ட சர்ச்: ஹெலன் ராட்கி என்ற பெண்மணியும் ஒரு மோர்மோனாக இருந்தார். ஆனால், ஏதோ காரணங்களுக்காக அந்த சர்ச்சிலிருந்து வெளியேற்றப் பட்டார். அதிலிருந்து யாருக்கும் தெரியாத மோர்மோன் சர்ச்சைப் பற்றிய உண்மைகள் மற்றும் ரகசியங்களை வெளியிட்டு வருகிறார். கடந்த பிரவரி 10, 2012 அனறு மோர்மோன் ஆவணங்களில் மஹாத்மா காந்தி ஞானஸ்நானம் செய்விக்கப்பட்டதாக குறிப்பிடப்பட்டிருந்தது. இது கணினி மயமாக்கப் பட்டதால், இணைதளத்திலும் காணப்பட்டது. ஆனால், பிப்ரவரி 16, 2012ற்குப் பிறகு அவ்விவரங்கள் காணப்படவில்லை. அதாவது இப்பிரச்ச்சினை வெளிவரும், அப்பொழுது வேறு சச்சரவுகள் வரக்கூடாது என்று இணைதளத்திலிருந்து நீக்கிவிட்டது போலும்.

ராஜன் ஜெட் (Rajan Zed) என்ற இந்து இயக்க உறுப்பினர், ஹெலன் ராட்சகியை தொடர்பு கொண்டபோது, ஈ-மெயில் மூலமாக இந்த விவரங்களைக் கொடுத்தாராம். அவர் உடனே, மோர்மோன் சர்ச்சின் தலைவரைக் கேட்டுள்ளாராம். ஆனால், இது வரை பதில் சொல்லாமல் இருக்கிறாராம். பாவம், காந்தியை அழைத்துக் கொண்டு வந்து பதிலளிப்பார் போலும். வேண்டுமென்றால், கூட ஏசுவையும் கூட்டிவருவர்!

வேதபிரகாஷ்

01-03-2012.