Archive for திசெம்பர், 2014

இன்னுமொரு கிருத்துவ மதபோதர் கற்பழிப்பு, பலதார மணம் போன்ற விவகாரங்களில் சிக்கியுள்ளார், ஆனால், அது செக்யூலரிஸமாக்கப்பட்டதால், அமைதியான செய்தியாகிவிட்டது!

திசெம்பர் 27, 2014

இன்னுமொரு கிருத்துவ மதபோதர் கற்பழிப்பு, பலதார மணம் போன்ற விவகாரங்களில் சிக்கியுள்ளார், ஆனால், அது செக்யூலரிஸமாக்கப்பட்டதால், அமைதியான செய்தியாகிவிட்டது!

அல்போன்ஸ் ஜஸ்டின் பெங்கல்ராஜ் - மரிய ரேகா

அல்போன்ஸ் ஜஸ்டின் பெங்கல்ராஜ் – மரிய ரேகா

அமெரிக்க விஞ்ஞானி என ஏமாற்றி 3 பெண்களை திருமணம் செய்தவரை, ராமேசுவரம் மகளிர் போலீஸார் கைது செய்து விசாரணை நடத்தி வருகின்றனர்[1]. கன்னியாகுமரி மாவட்டம், இணையம் புத்தன்துறையை/ இரவிப்புத்தன்துறையைச் சேர்ந்தவர் அல்போன்ஸ் என்பவரின் மகன் ஜஸ்டின் பெங்கல்ராஜ் (37). இவர் அமெரிக்க விஞ்ஞானி எனவும், ரூ.5 லட்சம் சம்பளம் பெறுவதாகவும் கூறி, தங்கச்சிமடம் சூசையப்பர் பட்டினத்தைச் சேர்ந்த தேவதாஸ் மகள் மரியரேகா (24) என்ற பெண்ணை கடந்த 17.1.2014-இல், திருமணம் செய்து கொண்டார். இவர்களுக்கு டேனியல் கட்சன் என்ற 9 மாத கைக்குழந்தை உள்ளது. இந்த நிலையில் ஜஸ்டினின் நடத்தையில் சந்தேகம் அடைந்த மனைவி மரியரேகா, அவரது செல்போன் எண்கள் மற்றும் குறுந்தகவல்கள் ஆகியவற்றை கண்காணித்துள்ளார். இணையதளத்தில் மணப்பெண் வேண்டி பென்கர்ராஜ் விளம்பரம் செய்திருப்பதை மரியரேகா கண்டுபிடித்தார்[2].  மேலும் அவரது செல்போனுக்கு வந்த மர்ம எண்ணை தொடர்பு கொண்டு பேசியதில், கன்னியாகுமரியை சேர்ந்த வனிதா (24) என்பவருடன் பேசி வந்தது தெரிந்தது. வனிதா தன்னை பென்கர்ராஜின் முதல் மனைவி என்று அறிமுகம் செய்துகொண்டார்.

ராமேஸ்வரம் பாஸ்டர் இரண்டு திருமணம் 25-12-2014

ராமேஸ்வரம் பாஸ்டர் இரண்டு திருமணம் 25-12-2014

முதல் மனைவி அனிதா கொடுத்த தகவல்: பென்கர்ராஜ் வெளிநாட்டில் வேலை பார்ப்பதாக கூறி சில ஆண்டுகளுக்கு முன்பு தன்னை ஏமாற்றி திருமணம் செய்துகொண்டதாகவும், இது குறித்து போலீசில் புகார் செய்ய முயன்றபோது, அவருடன் அந்தரங்கமாக இருந்த போட்டோவை நெட்டில் வெளியிடுவேன் என்று மிரட்டியதாகவும் வனிதா தெரிவித்தார். இதனால் அதிர்ச்சியடைந்த மரியரேகா, இதுகுறித்து கணவரிடம் சண்டை போட்டுள்ளார். இதனால் வீட்டிலிருந்து வெளியேறிய பென்கர்ராஜ் திரும்பி வரவில்லை. பின்பு மீண்டும் வனிதாவிடம் தொடர்பு கொண்டு விசாரித்தபோது, பென்கர்ராஜ் கேரளாவை சேர்ந்த ஜெனி (24) என்பவரை ஏமாற்றி ஒன்றரை ஆண்டுக்கு முன் 2வது திருமணம் செய்ததாக மற்றொரு அதிர்ச்சி தகவலை தெரிவித்துள்ளார். இதுதொடர்பாக ஜெனி போலீசில் புகார் செய்ததாகவும், கேரளா போலீசார் அவரை கைதுசெய்து சிறையில் அடைத்ததாகவும், பின்பு ஜாமீனில் வெளியே வந்த பென்கர்ராஜ் தலைமறைவானதாகவும் தெரிவித்துள்ளார்.

ராமேஸ்வரம் பாஸ்டர் இரண்டு திருமணம் 25-12-2014

ராமேஸ்வரம் பாஸ்டர் இரண்டு திருமணம் 25-12-2014

சென்னையில் ஜெனிபா என்ற இன்னொரு மனைவி: சென்னையில் ஜெனீபா என்ற மற்றொரு மனைவியும் இருப்பதாக தெரிய வந்தது. ஜெனீபாவுக்கு இரு பெண் குழந்தைகள் இருப்பதாகவும், ஜெனீபாவின் தங்கை லலிதா என்ற பீலாவுடனும் ஜஸ்டின் தகாத உறவு வைத்திருப்பதும் தெரிய வந்தது. இத்தனை விவரங்களை மரிய ரேகா கண்டு பிடித்துள்ளார். இதனையடுத்து மரியரேகா, ராமநாதபுரம் எஸ்.பி.மயில்வாகனனிடம் புகார் அளித்தார்[3].

Maria Rehka, the second wife complained on Justin DM

Maria Rehka, the second wife complained on Justin DM

புகாரில் மரிய ரேகா கூறியிருப்பதாவது[4]: ராமேஸ்வரம் அருகே உள்ள கிறிஸ்தவ சபைக்கு, பிரார்த்தனைக்கு சென்ற என்னிடம், மத போதகராக ஜஸ்டின் அறிமுகம் ஆனார். முன்னதாக, வத்தலக்குண்டுவை சேர்ந்த மெகினியா என்ற திருமண புரோக்கர், பவுலோஸ் ஆகியோர் ஜெஸ்டின் பென்கர்ராஜை எனக்கு அறிமுகம் செய்தனர். அப்போது லண்டனில் வேலை பார்த்து ரூ.5 லட்சம் சம்பளம் பெறுவதாகக்கூறிய அவர், தன்னை பாஸ்டர் என்று கூறி ஏழைப் பெண் என்பதால் என்னை திருமணம் செய்கிறேன் என்றார்[5]. அவர், தன்னை ஒரு விஞ்ஞானி என்றும், லண்டனில் வேலை செய்வதாகவும், ஏழை பெண்ணை திருமணம் செய்வதுதான் நோக்கம் என்றும் கூறினார். கிறிஸ்தவ சபை நிர்வாகிகள் பவுலோஸ், சரோஜம் ஏற்பாட்டில் எனக்கும், ஜஸ்டினுக்கும் 17.1.14 ல் திருமணம் நடந்தது. இதையடுத்து அவருக்கு திருமணசெலவுக்காக ரூ.1 லட்சம் கொடுத்தோம். பின்னர் அவர் வெளிநாட்டுக்கு செல்ல ரூ.1 லட்சம் கடன் பெற்றுக் கொடுத்தோம். அப்போது அவர் ஜெஸ்டின் கிரேசி என்ற பெயரில் பாஸ்போர்ட் எடுக்க முயன்றார். இதனால் சந்தேகம் அடைந்து அவரது செல்போனை கண்காணித்தேன்[6].  “ஏழை பெண்ணை திருமணம் செய்வதுதான் நோக்கம்” எனும்போது, மரியா ரேகாவிடம் எப்படி ரூ.2 லட்சம் பெற்றார்?

Justin another pastor cheats women DM

Justin another pastor cheats women DM

பல பெண்களை ஏமாற்றியுள்ள ஜஸ்டின்: அதன்பிறகு தான், இதேபோல் ஆசை வார்த்தை கூறி பல பெண்களை ஜஸ்டின் ஏமாற்றி இருப்பது தெரிந்தது. ஏற்கனவே கன்னியாகுமரியில் அனிதா என்ற பெண்ணை திருமணம் செய்து, அவருக்கு 2 குழந்தைகள் உள்ளன. பின் கேரளா, பத்தனம்திட்டா பகுதியை சேர்ந்த ஜான் மகள் ஜெனி (25), என்பவரை திருமண ஆசை காட்டி, கற்பழித்த வழக்கில் கேரளா போலீசார் ஜஸ்டினை கைது செய்தனர். பின்னர், ஜாமினில் வந்து, என்னை ஏமாற்றி திருமணம் செய்துள்ளார். இதன்பின், திருமணம் தகவல் மையம் மூலம் சென்னையில் ஜெனிபர் என்பவரை மூன்றாவது திருமணம் செய்ய இருந்ததை கண்டு பிடித்தேன். இதுகுறித்து கேட்ட போது, இல்லை என மறுத்துவிட்டு கன்னியாகுமரி சென்று விட்டார். ஜஸ்டின் வெளிநாடு செல்ல என் குடும்பத்தினரிடம் இருந்து ரூ.2.75 லட்சம் வாங்கி ஏமாற்றி, தற்போது கொலை மிரட்டல் விடுத்து வருகிறார், என புகாரில் தெரிவித்துள்ளார். எஸ்.பி., உத்தரவின்பேரில், ‘மத போதகர்’ போர்வையில் பெண்களின் வாழ்கையில் விளையாடிய ஜஸ்டினை, ராமேஸ்வரம் இன்ஸ்பெக்டர் மீனாம்பாள் கைது செய்து விசாரிக்கிறார்[7]. மேலும் மரியரேகாவே, ஜஸ்டினிடம் தொலைபேசியில் அன்பாக பேசி, அவரை வரவழைத்து மகளிர் காவல் நிலையத்தில் ஒப்படைத்தார் என்பது குறிப்பிடத்தக்கது. தன்னை ஏமாற்றி 3வது திருமணம் செய்த பென்கர்ராஜை போலீசில் பிடித்து கொடுக்கவேண்டும் என மரியரேகா முடிவு செய்தார். `கிறிஸ்துமஸ் கொண்டாட வேண்டும். குழந்தையை பார்க்க வாருங்கள்’ என்று நைசாக பேசி, பென்கர்ராஜை தங்கச்சிமடத்திற்கு வரவழைத்தார்.

ராமேஸ்வரம் தேவசபை நிர்வாகி பவுலோஸ், அவரது மனைவி சரோஜம்

ராமேஸ்வரம் தேவசபை நிர்வாகி பவுலோஸ், அவரது மனைவி சரோஜம்

ஜஸ்டின் நல்ல மாப்பிள்ளை என்று தேவசபை நிர்வாகிகள் எவ்வாறு கூறினர்?: மரியரேகா கூறுகையில், `எனது திருமணம் குறித்து முதலில் வத்தலக்குண்டை சேர்ந்த பாஸ்டர் நெகமியா எனது தந்தையிடம் பேசினார். இதையடுத்து பென்கர்ராஜ் பேசினார். இவர் குறித்து மெய்யம்புளியிலுள்ள தேவசபை நிர்வாகிகள் பவுலோஸ், சரோஜம் ஆகியோரிடம் விசாரிக்க கூறியபோது அவர்களும் நல்ல விதமாகவே கூறினார்[8].  போதகர் ஜஸ்டின் குறித்த விவரம் அறியாமல், மரிய ரேகாவுக்கு அவரை திருமணம் செய்து வைத்த வத்தலக்குண்டைச் சேர்ந்த நேகேமியா, ராமேஸ்வரம் தேவசபை நிர்வாகி பவுலோஸ், அவரது மனைவி சரோஜம் மீதும் போலீசார் வழக்கு பதிவு செய்துள்ளனர்[9]. இதை அறிந்த பவுலோஸ், மனைவியுடன் தலைமறைவானார்[10]. இவர்களை பிடிக்க, இன்ஸ்பெக்டர் மீனாம்பாள் தலைமையில் தனிப்படை அமைக்கப்பட்டுள்ளது. பவுலோசும், அவரது மனைவி சரோஜமும் தேவசபைக்கு வரும் பிரமுகர்களின் வீட்டிலோ, ராமேஸ்வரம், தங்கச்சிமடம், பாம்பன் பகுதியிலோ மறைந்திருக்க வாய்ப்புள்ளதாக தனிப்படை போலீசார் கருதுகின்றனர். எனவே அப்பகுதியில் உள்ள வீடுகளை போலீசார் கண்காணித்து வருகின்றனர்.

புதிர்களில், மர்மங்களில் நடக்கும் பலதார திருமணங்களும், சர்ச்சுகளின் ஒத்துழைப்பும்: கிருத்துவத் திருமணங்கள் பதிவு செய்யப் படுகின்றன. பிறக்கும் குழந்தைகளுக்கு ஞானஸ்தானம் முதலிய சடங்குகள் நடக்கும் போதும், பதி செய்யப்படுகின்றன. பிறகு எப்படி ஜஸ்டின் தொடர்ந்து பல பெண்களை மணந்து கொள்கிறான் என்று தெரியவில்லை. கிருத்துவ சர்ச்சுகள் எப்படி தொடர்ந்து இத்தகைய பலதார மணங்களை நேரிடையாகவோ, மறைமுகமகவோ அனுமதிக்கின்றன அல்லது ஊக்குவிக்கின்றன என்பதும் புதிராக உள்ளது. மேலும், பெண்கள் எப்படி இவ்வாறு சுலபமாக ஏமாறுகின்றனர் என்றும் தெரியவில்லை. மதபோதகர், பாஸ்டர் போன்ற நிலை கிருத்துவர்களுக்கு பல பெண்களுடன் தொடர்பு ஏற்பட ஏதுவாக இருக்கின்றது. இதனையும் அவர்கள் பயன்படுத்திக் கொள்கிறார்கள் என்பது, பல வழக்குகளில் தெரியவருகிறது. மேலும் சர்ச் / தேவசபை அதிகாரிகள் இக்காரியங்கள் ஈடுபடுவது, சம்பந்தப் படுவதும் ஆச்சரியமாகவும், புதிராகவும் இருக்கின்றது. அவர்களும் இதனை மறைமுகமாக ஊக்குவிக்கின்றனரா என்பது ஆராயத்தக்கது.

செக்யூலரிஸ பாலியல் தொந்தரவுகள், விவகாரங்கள் மற்றும் வழக்குகள்: வழக்கம் போல இவற்றை எந்த தமிழச்சிகளும் எதிர்க்கவில்லை, பெண்ணிய வீராங்கனைகள் கண்டிக்கவில்லை; ஊடகங்கள் கற்பழிப்பு, மோசடி என்றெல்லாம் ஊளையிடவில்லை; ஏதோ ஒரு செய்தியாக வெளியிட்டு அமைதியாக உள்ளனர். மற்ற விசயங்களுக்கு கூப்பாடு போடு, குதித்து, ஊர்வலங்கள், ஆர்பாட்டங்கள் நடத்தும் கூட்டங்கள், தொடர்ந்து நடந்து வரும் இச்செயல்களை ஆபாசமாக, அருவருப்பாக, பெண்களுக்கு எதிராக இழைக்கப் படும் அநியாயங்களாக கருதவில்லை போலும். இவையெல்லாம் செக்யூலரிஸ பாலியல் தொந்தரவுகள், விவகாரங்கள் மற்றும் வழக்குகள், என்று கருதப்பட்டு மறைக்கப்படும், மறக்கப்படும் போலும்!

© வேதபிரகாஷ்

27-12-2014

[1] தினமணி, அமெரிக்க விஞ்ஞானி என ஏமாற்றி 3 பெண்களை திருமணம் செய்தவர் கைது, By dn, ராமநாதபுரம், First Published : 26 December 2014 01:36 AM IST.

[2] http://nellaionline.net/view/32_82669/20141226103610.html

[3]http://www.dinamani.com/tamilnadu/2014/12/26/%E0%AE%85%E0%AE%AE%E0%AF%86%E0%AE%B0%E0%AE%BF%E0%AE%95%E0%AF%8D%E0%AE%95-%E0%AE%B5%E0%AE%BF%E0%AE%9E%E0%AF%8D%E0%AE%9E%E0%AE%BE%E0%AE%A9%E0%AE%BF-%E0%AE%8E%E0%AE%A9-%E0%AE%8F%E0%AE%AE%E0%AE%BE%E0%AE%B1%E0%AF%8D%E0%AE%B1/article2588645.ece

[4] தினமலர், பெண்களை ஏமாற்றி திருமணம்:ராமேஸ்வரத்தில் மதபோதகர் கைது, சென்னை, 25-12-2014-23:16.

[5] http://www.maalaimalar.com/2014/12/26100605/2nd-away-hidden-the-first-marr.html

[6] மாலைமலர், முதல் திருமணத்தை மறைத்து விட்டு 2–வது திருமணம் செய்த மத போதகர் கைது, மாற்றம் செய்த நாள் : வெள்ளிக்கிழமை, டிசம்பர் 26, 10:05 AM IST; பதிவு செய்த நாள்: வெள்ளிக்கிழமை, டிசம்பர் 26, 10:06 AM IST

[7] http://www.dinamalar.com/news_detail.asp?id=1146612

[8] http://nellaionline.net/view/32_82669/20141226103610.html

[9] தினமலர், பெண்களை ஏமாற்றிய மதபோதகருக்கு திருமணம் செய்து வைத்தசர்ச்நிர்வாகி: மனைவியுடன் தலைமறைவு, 26-12-2014-23:12.

[10] http://www.dinamalar.com/news_detail.asp?id=1147302

TELC Rapes (லூத்தரன் சர்ச் கற்பழிப்புகள்), Pollachi rape case (பொள்ளாச்சி கற்பழிப்பு வழக்கு) ஆகி, கட்டிட தொழிலாளியான வீராச்சாமி 44 வருட சிறைதண்டனை பெற்றது!

திசெம்பர் 26, 2014

TELC Rapes (லூத்தரன் சர்ச் கற்பழிப்புகள்), Pollachi rape case (பொள்ளாச்சி கற்பழிப்பு வழக்கு) ஆகி, கட்டிட தொழிலாளியான வீராச்சாமி 44 வருட சிறைதண்டனை பெற்றது!

Veeran alias V. Veerasamy, convicted in Pollachi twin rape case, being brought out of the Mahila Court in Coimbatore on Wednesday 24-12-2014.

Veeran alias V. Veerasamy, convicted in Pollachi twin rape case, being brought out of the Mahila Court in Coimbatore on Wednesday 24-12-2014.

தமிழ் எவஞ்செலிகல் லூத்தரன் சர்ச் காப்பகத்தில் நடந்த கற்பழிப்புகள் (ஜூன்.2014): பொள்ளாச்சி காப்பக சிறுமிகளை பாலியல் பலாத்காரம் செய்த வழக்கில் கட்டிட தொழிலாளிக்கு இரட்டை ஆயுள் தண்டனை விதித்து நீதிபதி தீர்ப்பு கூறினார். அத்துடன் பாதிக்கப்பட்ட சிறுமிகளுக்கு அரசு வேலை வழங்கவும் நீதிபதி தனது உத்தரவில் குறிப்பிட்டு உள்ளார். பொள்ளாச்சி பஸ்நிலையம் அருகே டி.இ.எல்.சி. என்ற கிறிஸ்தவ நிறுவனத்துக்கு சொந்தமான காப்பகம் செயல்பட்டு வந்தது. இந்த காப்பகத்துக்குள் வால்பாறையை சேர்ந்த கட்டிட தொழிலாளியான வீராச்சாமி (வயது 23) என்பவர் கடந்த 11-6-2014 அன்று இரவில் புகுந்தார். பின்னர் அவர், அங்கு தங்கி இருந்த 11 மற்றும் 8 வயதான 2 சிறுமிகளை அந்த காப்பகத்தின் அருகே உள்ள மாடிக்கு கடத்திச்சென்று அவர்கள் இருவரையும் பாலியல் பலாத்காரம் செய்துவிட்டு, தப்பிச் சென்றார். இது தொடர்பாக பொள்ளாச்சி அனைத்து மகளிர் போலீசார் அத்துமீறி நுழைதல், கடத்துதல், கொலை மிரட்டல் விடுத்தல், பாலியல் பலாத்காரம் செய்தல் உள்பட 7 பிரிவின் கீழ் வழக்குப்பதிவு செய்து, தப்பி ஓடிய வீராச்சாமியை (வயது 23) கடந்த 15-6-2014 அன்று கைது செய்தனர். பின்னர் அவரை கோர்ட்டில் ஆஜர்படுத்தி கோவை மத்திய சிறையில் அடைத்தனர்.

TELC rape orphanage pollachi

TELC rape orphanage pollachi

வழக்கு விரைவாக நடத்த மகளிர் கோர்ட்டுக்கு மாற்றப்பட்டது: இந்த வழக்கை விரைவாக முடித்து குற்றவாளிக்கு தண்டனை வாங்கி கொடுக்கும் வகையில் கோவை மகளிர் கோர்ட்டுக்கு மாற்றப்பட்டது. பாலியல் பலாத்காரம் தொடர்பான வழக்கு, கோவை மகளிர் கோர்ட்டுக்கு மாற்றப்பட்டது[1]. இந்த வழக்கில், 64 பேர் அரசு தரப்பு சாட்சிகளாக சேர்க்கப்பட்டனர். அத்துமீறி நுழைதல், கடத்தல், கொலை மிரட்டல் விடுத்தல், பாலியல் பலாத்காரம் செய்தல் ஆகிய சட்டப்பிரிவுகளின்படி குற்றச்சாட்டு பதிவு செய்யப்பட்டது[2]. நீதிபதி சுப்பிரமணியன் முன்னிலையில் விசாரிக்கப்பட்ட இந்த வழக்கில், விடுதியில் தங்கிய 1௦ வயது மாணவர், பள்ளி தலைமை ஆசிரியர், பாதிக்கப்பட்ட மாணவியரின் உறவினர்கள், அரசு டாக்டர்கள், போலீஸ் அதிகாரிகள், சாட்சியம் அளித்தனர். இந்த வழக்கின் மீதான தீர்ப்பு நேற்று வழங்கப்படும் என்று நீதிபதி சுப்பிரமணியம் அறிவித்தார். அதன்படி குற்ற சாட்டப்பட்ட வீராச்சாமி நேற்று காலையில் கோர்ட்டில் ஆஜர்படுத்தப்பட்டார். அதைத்தொடர்ந்து இந்த வழக்கில் நீதிபதி சுப்பிரமணியம் நேற்று மாலை தீர்ப்பு கூறினார்[3].

A view of the TELC Children's Home in Pollachi

A view of the TELC Children’s Home in Pollachi

காப்பகத்துக்குள் அத்துமீறி நுழைந்ததற்கு 10 ஆண்டு சிறை தண்டனையும், ரூ.1,000 அபராதமும், சிறுமிகளை கடத்தியதற்காக தலா 10 ஆண்டு சிறை தண்டனையும், தலா ரூ.1,000 அபராதமும், பாலியல் பலாத்காரம் செய்ததற்காக இரட்டை ஆயுள் தண்டனையும், ரூ.1000 அபராதமும், கொலை மிரட்டல் விடுத்ததற்காக தலா 7 ஆண்டு சிறை தண்டனையும், தலா ரூ.1,000 அபராதமும் விதித்து நீதிபதி தீர்ப்பு கூறினார். ஆக மொத்தம் 44 ஆண்டுகள் தண்டனையை ஆயுள் தண்டனை அனுபவிக்கும் ஏக காலத்தில் அனுபவிக்க வேண்டும் என்று உத்தரவிட்டார்[4].  இந்த தண்டனையை ஏககாலத்தில் அனுபவிக்க வேண்டும் என்றும் நீதிபதி தனது தீர்ப்பில் கூறியிருந்தார்.

Police make enquiries at the hostel of the Tamil Evangelical Lutheran Church in Pollachi.

Police make enquiries at the hostel of the Tamil Evangelical Lutheran Church in Pollachi.

காப்பகத்தின் மீது தண்டம், பாதிக்கப்பட்ட பெண்களுக்கு உதவி: காப்பகத்தில் போதிய பாதுகாப்பு இல்லாததாலும், குற்றச்செயல் செய்ய வேண்டும் என்ற நோக்கத்தில் குற்றவாளி அத்துமீறி நுழைந்ததற்கு டி.இ.எல்.சி., சர்ச் நிர்வாகம் பொறுப்பு ஏற்கும் வகையில் பாதிக்கப்பட்ட சிறுமிகளுக்கு தலா ரூ.2½ லட்சம் இழப்பீடாக டி.இ.எல்.சி. நிர்வாகம் வழங்க வேண்டும் என்றும், இந்த தொகையை இதற்கான உத்தரவு கிடைத்த 30 நாட்களுக்குள் வழங்க வேண்டும் என்றும் கூறினார்[5]. இந்த தொகையை டி.இ.எல்.சி. நிர்வாகம் சிறுமிகளுக்கு வழங்கவில்லை என்றால் மாவட்ட கலெக்டர் நடவடிக்கை எடுத்து அந்த தொகையை பெற்றுக்கொடுக்க வேண்டும் என்றும் உத்தரவிட்டார்[6]. அதுபோன்று பாதிக்கப்பட்ட சிறுமிகளின் நலன்கருதி, அவர்கள் படிப்பதற்கு ஆகும் அனைத்து செலவுகளையும் அரசே ஏற்க வேண்டும் என்றும், 18 வயது முடிந்ததும், அவர்களின் படிப்புக்கு ஏற்ப அரசு வேலை வழங்க வேண்டும் என்றும் கூறினார். மேலும் சிறுமிகளுக்கு வழங்கப்படும் படிப்பு மற்றும் உதவிகளை ஆய்வு செய்வதற்காக வக்கீல் சண்முக நாதன் என்பவரை நியமித்து ஒவ்வொரு மாதம் 31-ந்தேதி ஆய்வு செய்து, ஒவ்வொரு ஆண்டும் மார்ச் 31-ந்தேதி அதற்கான அறிக்கையை அரசுக்கு சமர்ப்பிக்க வேண்டும் என்றும், வக்கீலுக்கான செலவை சட்ட உதவி ஆணையம் வழங்க வேண்டும் என்றும் தனது உத்தரவில் நீதிபதி குறிப்பிட்டு உள்ளார்[7].

பொள்ளாச்சி விடுதி கற்பழிப்பு 06-2014-விதிமுறை மீறல்

பொள்ளாச்சி விடுதி கற்பழிப்பு 06-2014-விதிமுறை மீறல்

கிருத்துவர்கள் நடத்தும் காப்பகம் என்பதால் அமுக்கி வாசிக்கின்றன என்று தெரிகிறது[8]: பொள்ளாச்சி டிஇஎல்சி தேவலாயத்தின் நிர்வாகிகளுக்கும், பாதிரியாருக்கும் நீண்ட காலமாகவே மோதல் இருந்து வருவதாகவும், குறிப்பாக எஸ்.சி., எஸ்.டி. பிரிவினருக்கும், மற்ற பிரிவினருக்கும் இடையே ஜாதிப் பிரச்சினை இருந்து வருவதாகவும் முன்பு சொல்லபட்டது. எல்லாம் நடந்த பிறகு பொது மக்கள், ஐட்வா போன்ற மகளிர் சங்கம் மற்றவர்கள் மீது குறைகூறுகிறார்கள்[9]. கிருத்துவர்கள் பரஸ்பர புகார்கள் அளித்தது இக்குற்றத்திலிருந்து தப்பித்துக் கொள்ளத்தான் போலும்[10]. அகில இந்திய ஜனநாயக மகளிர் மன்றம் மற்ற விசயங்களில் அதிகமாக சப்தம் போடும் போது, இவ்விசயத்தில் எல்லாம் நடந்த பிறகு கூப்பாடு போடுவது கிருத்துவ காப்பகம் என்றதால் பாரபட்சம் பார்க்கிறது என்று தெரிகிறது. கற்பழிப்பிற்குப் பிறகு, அனுமதி இல்லாமல் நடத்தப் பட்டு வந்த மற்ற இரு இல்லங்களும் மூடப்பட்டன[11], என்று வந்துள்ள செய்தியும் வேடிக்கையாக இருக்கின்றது. தொடர்ந்து பிடோபைல் மற்றும் இத்தகைய பாலியல் குற்றங்களில் கிருத்துவ காப்பகங்கள் அதிகமாக ஈடுபட்டு வந்துள்ளது பற்றிய செய்திகள் வந்துள்ளன. கன்யாகுமரி, கோயம்புத்தூர், திருச்சி, சென்னை என்று நூற்றுக்கணக்கில் குற்றங்கள் புரிந்தது வெளிவந்தன. பிறகு எப்படி இங்கு மட்டும் மெத்தனமாக செயல்பட்டார்கள் என்று தெரியவில்லை.

டி.இ.எல்,சி வார்டன் கைது ஜாமீன் மனு மறுப்பு

டி.இ.எல்,சி வார்டன் கைது ஜாமீன் மனு மறுப்பு

TELC சுத்தமாகத் தப்பித்துக் கொண்டது சட்டத்தின் வினோதமே: ஆனால் ஜூன் 14 அன்று கைது செய்யப்பட்ட இ.பி. சுரேஷ்குமார் எப்படி விடிவிக்கப்பட்டார் என்று தெரியவில்லை[12]. பாஸ்டர் பி. ஏ. பாக்கியநாதன் மீது தொடுக்கப்பட்ட வழக்கும் என்னவாயிற்று என்று புரியவில்லை[13]. அத்தகைய குற்றங்கள் ஏற்படவே TELC கதவுகளை திறந்து வைத்திருந்தது என்று முன்னர் விவரிக்கப்பட்டது[14] [The first impression one gets at looking at the surroundings of the Tamil Evangelical Lutheran Church (TELC) home and the nearby shopping complex is that this is a place where a transgression was waiting to happen][15]. இப்பொழுது கூட தீர்ப்பில் 20 வருடங்களாக அனுமதி இல்லாமலேயே, சர்ச் நிர்வாகம் அந்த காப்பகத்தை நடத்தி வந்துள்ளது என்று எடுத்துக் காட்டப் பட்டுள்ளது [The court held the management of the Tamil Evangelical Lutheran Church Children’s Home responsible for the crime as they had been running the home without a valid licence for the last 20 years and for allowing anti-social elements to enter the campus][16]. அது சமூகவிரோதிகளுக்கு வசதியாக செய்து கொடுக்கப்பட்டுள்ளது போன்றுள்ளது என்றும் கூறியுள்ளது. தி ஹிந்து முன்னர் TELC ரேப் / டி.இ.எல்.சி கற்பழிப்பு [TELC Rapes] என்று தலைப்பிட்டு ஜூன் 2014ல் [TELC rapes] செய்தியை ஆர்பாட்டமாக வெளியிட்டது[17]. ஆனால், இன்றோ “பொள்ளாச்சி ரேப் / கற்பழிப்பு” [Pollachi rape case] என்று தலைப்பிட்டு செய்தியை வெளியிடுகிறது[18]. அதாவது TELCக்கும் இந்த கற்பழிப்பிற்கும் சம்பந்தமே இல்லை என்பது போல ஊடகங்கள் மாற்றிக் காட்டுகின்றன. TELC லட்சங்கள் பாதிக்கப் பட்ட பெண்கௐளுக்குக் கொடுப்பது, ஏதோ விவேக் ஜோக்கில் வரும் “மைனர் குஞ்சு ஜோக்” போலத்தான் உள்ளது. இந்திய குற்றாவியல் சட்டம், பாலியல் குற்றங்களிலிருந்து குழந்தைகளைக் காக்கும் சட்டம், பட்டியல் ஜாதியினர் மற்றும் குடிகள் மீது கொடுமைகள் த்அடுக்கும் சட்டம் என்ற சட்டங்களின் பிரிவுகளில் வழக்குப் பதிவு செய்தாலும், வீராசாமி மாட்டிக் கொண்டான், மற்ற சர்ச் அதிகாரிகள் தப்பித்துக் கொண்டார்கள்[19].

© வேதபிரகாஷ்

25-12-2014

[1] http://tamil.webdunia.com/article/regional-tamil-news/pollachi-girls-rape-double-life-sentence-114122500003_1.html

[2] http://www.dinamalar.com/news_detail.asp?id=1146206

[3] http://www.maalaimalar.com/2014/12/25060326/Girl-molested-case-building-wo.html

[4] http://www.nakkheeran.in/users/frmNews.aspx?N=134891

[5] நக்கீரன், சிறுமிகளை கடத்தி பலாத்காரம் செய்யப்பட்ட வழக்கு: குற்றவாளிக்கு இரட்டை ஆயுள்: கோவை மகளிர் கோர்ட் தீர்ப்பு, புதன்கிழமை, 24, டிசம்பர் 2014 (22:20 IST)

[6] தினமலர், , பொள்ளாச்சி சிறுமியர் பலாத்கார வழக்கு; காமுகனுக்கு இரட்டை ஆயுள் தண்டனை, 25-12-2014.

[7] மாலைமலர், சிறுமிகளை பாலியல் பலாத்காரம் செய்த வழக்கில் கட்டிட தொழிலாளிக்கு இரட்டை ஆயுள் தண்டனை, பதிவு செய்த நாள் : வியாழக்கிழமை, டிசம்பர் 25, 6:03 AM IST

[8] இதை எனது முந்தைய ஜூன் பதிவிலேயே சுட்டிக் காட்டிருந்தேன்.

https://christianityindia.wordpress.com/2014/06/15/another-gang-rape-in-telc-orphanage-child-home-in-pollachi/

[9] http://www.thehindu.com/news/national/tamil-nadu/people-seething-with-anger-at-lack-of-basic-norms-in-the-home/article6114179.ece?ref=relatedNews

[10] https://christianityindia.wordpress.com/2014/06/24/pollachi-telc-rape-turned-into-mutualaccusation-among-the-pastors-priesrs-etc/

[11] Two more homes for children have been closed as they were in a poor condition, and children from these homes have also shifted to the reception units, says P. Samson, chairman, Child Welfare Committee.

http://www.thehindu.com/news/national/tamil-nadu/with-two-more-homes-closed-parents-take-wards-home/article6123955.ece?ref=relatedNews

[12] A day after securing the accused in the rape of two minors of a home run by theTamil Evangelical Lutheran Church (TELC) here, the police on Saturday (14-06-2014) arrested the home’s warden E.B. Suresh Kumar and registered a case against pastor S.A. Packianathan.

[13] http://www.thehindu.com/news/national/tamil-nadu/pollachi-rape-telc-home-warden-arrested/article6115220.ece

[14] The Hindu, TELC rapes: Transgressions were waiting to happen, POLLACHI, June 14, 2014

[15] http://www.thehindu.com/news/national/tamil-nadu/telc-rapes-transgressions-were-waiting-to-happen/article6114065.ece?ref=relatedNews

[16] http://timesofindia.indiatimes.com/city/chennai/Man-sentenced-to-imprisonment-for-kidnap-rape-of-minor-girls-at-Pollachi-childrens-home/articleshow/45632049.cms

[17] http://www.thehindu.com/news/national/tamil-nadu/telc-rapes-transgressions-were-waiting-to-happen/article6114065.ece?ref=relatedNews

[18] http://www.thehindu.com/news/national/tamil-nadu/pollachi-rape-case-legal-commissioner-to-take-care-of-minor-girls/article6723570.ece

[19] The Pollachi All Women Police Station invoked Sections 450 (house-trespass in order to commit offence punishable with imprisonment for life), 366(A) (procuration of minor girl), 376 (rape) of the Indian Penal Code (IPC) read with Sections 5(4)(l)(m) of the Protection of Children from Sexual Offences Act (POCSO), 2012, besides Section 506 (ii) (criminal intimidation) of the IPC. As one of the girls belonged to a Dalit community, sections of the Scheduled Castes and Scheduled Tribes (Prevention of Atrocities) Act have also been invoked.