எல்லா கிருத்துவர்களும், திமுகவிற்கு ஓட்டுப் போடவேண்டும் – கலைஞர் டிவியில் பிஷப்புகள் பிரச்சாரம் (1) !

எல்லா கிருத்துவர்களும், திமுகவிற்கு ஓட்டுப் போடவேண்டும் – கலைஞர் டிவியில் பிஷப்புகள் பிரச்சாரம் (1) !


டிவி செனல்கள் எல்லாமே கிருத்துவர்களின் பிரச்சார பீரங்கிகளாக செயல்படும் போக்கு: சாதாரணமாகவே, தினமும் காலை ஐந்து முதல் ஆறு மணி வரை, டிவியை வைத்துப் பார்க்க நேரிட்டால், எல்லா டிவி செனல்களிலும், சொல்லி வைத்தாற்போல, கிருத்துவர்களின் மதப்பிரச்சார சொற்பொழிவுகள் நடந்து கொண்டிருக்கும். சிறுபான்மையினர் என்று சொல்லிக் கொள்ளும் அவர்களால், எப்படி இப்படி பெருபான்மையினரயே மூழ்கடித்துவிடும் வகையில்[1], எல்லா செனல்களையும் ஆக்கிரமித்துக் கொண்டு, ஊழியம், விசுவாசம், திருப்பலி, பேயோட்டுதல், சகலவியாதிகளையும் போக்கும் கண்கட்டு வித்தைகள் செய்தல் என்றெல்லாம் முழுக்க-முழுக்க மதப்பிரச்சார நிகழ்ச்சிகள் ஒளிப்பரப்ப முடிகிறது என்பது சாதாரண மக்களுக்குப் புரியாத புதிராக உள்ளது. சாதாரணமாக, கிராமப்புறம் அல்லது புறநகர்ப் பகுதி என்றாலோ, ஒரு டீக்கடை என்றால் கூட, வேங்கடேச சுப்ரபாதம், கந்தசஷ்டி கவசம் அல்லது குறைந்தபட்சம் டி.எம்.எஸ்.சின் முருகர் பாடல்கள் தான் ஒலித்துக் கொண்டிருக்கும். பிறகு எப்படி இந்நிலை மாறுகிறது? இதெல்லாம் சமீபத்தைய போக்காகத் தெரிகிறது. நாத்திகம் பேசும் தமிழர்களுக்கு, இவையெல்லாம் எப்படி நம்புகின்றது போல இருக்கிறது என்று தெரியவில்லை.

தேர்தல் களத்திலும் கிருத்துவப் பிரச்சாரம்[2]: இவ்வேளையில் தான், தேர்தல் என்ற போர்வையிலும், கிருத்துவப் பிரச்சார யுக்திகள் மற்ற நிலைகளில் வெளிப்படுவது, மதபிரச்சாரமா, பிரச்சார விபச்சாரமா, விபச்சார அபச்சாரமா, அபச்சார தந்திரமா, தந்திர வியாபாரமா, வியாபார கூட்டணி வியூகமா என்றெல்லாம் யோசிக்க வேண்டியுள்ளது. ஒன்று அந்த அளவிற்கு லட்சங்களில், அந்தந்த செனல்களுக்கு பணத்தை வாரியிரைத்து, நேரத்தை வாங்கியிருக்கவேண்டும் அல்லது அச்செனல்களே அவ்வாறு ஒத்துழைத்து இடம் கொடுத்திருக்கவேண்டும்[3]. எப்படியிருந்தாலும் அதற்கு அப்பணத்தைக் கொடுத்தவர்கள் அல்லது நிறுவனங்கள் யார்-எவை, அவ்வாறு காலைப்பொழுதில் பிரச்சார நிகழ்ச்சிகளை ஒளிப்பரப்புவதின் குறிக்கோள், பின்னணி என்ன? இவ்வாறு வலியவந்து, பெருபான்மையினரின் மீது, அத்தகைய, இந்திய கலாச்சாரம், நாகரிகம், பண்பாடு, பாரம்பரியம் முதலியவற்றிற்கு சிறிதும் பொறுந்தாதவற்றைத் திணிக்கும் போக்கு எதைக் காட்டுகிறது? இதுபோன்ற இயற்கையாக எழும் கேள்விகளுக்கு விடை காணவேண்டியுள்ளது[4].

அரசியலும் மதப்பிரச்சாரத்தில் மூழ்கிவிட்ட நிலை: எஸ்ரா சற்குணத்தின் பேட்டி ஏற்கெனெவே ஒளிபரப்பு செய்யப் பட்டது. சன் செய்திகள் தொலைக்காட்சி செனல் “தேர்தல் களம்” என்ற நிகழ்ச்சியில், நான்கு கிருத்துவ பிஷப்புகளை வைத்து, ஒரு நிருபர் முன்னமே தீர்மானித்து வைத்துக் கொண்டபடி, குறிப்பிட்ட பாரபட்சமான விசயங்களைப் பற்றி தூண்டுதல் கேள்விகள் கேட்பது (asking leading questions), வலியவந்து அவரே பிஷப்புகளை குறிப்பிட்ட விஷயங்களைப் பற்றி பேச, அவற்றை முன்வைப்பது, அவர்களும் அதற்கேற்றப்படி, கொஞ்சம் கூட மனசாட்சி இல்லாமல், பொய்களைக் கலந்து, பதிலளிப்பது, விவரிப்பது முதலியவை நடந்தன. ஜெயலலிதா ஆட்சியில் கிருத்துவர்களின் நிலை எப்படியிருந்தது, கருணாநிதி ஆட்சியில் அவர்களது நிலை எப்படியிருந்தது, என்ற ரீதியில் “சிறுபான்மையினரின் நலம்” என்ற போர்வையில் அதை ஒளிபரப்பினார்கள். கருணாநிதிக்குச் சொந்தமான டிவி என்றால், என்னவேண்டுமானாலும், இப்படி பொய்களை, மாய்மலங்களை, கட்டுக்கதைகளை அள்ளிவிடலாம் என்றிருப்பது ஜனநாயக முறையில் நடப்பாதாகச் சொல்லப்படும் தேர்தலையே கேவலப்படுத்துவது போல இருக்கிறது.

கலைஞர் டிவி நடத்திய பாதிரிகளின் பிரச்சாரக்க் கூட்டம்: இது 08-04-2011 (6.30 – 7.30) மற்றும் 09-04-2011 (11.30 – 12.30) இருமுறை ஒளிபரப்புச் செய்யப் பட்டுள்ளது. அதில் கலந்துகொள்ளத் தேர்ந்தெடுக்கப்பட்ட பலப்பிரிவுகளைச் சார்ந்த (denominations) பிஷப்புகள்:

  1. எஸ். கே. ஜேசுபாதம், CSI – Protestant (கத்தோலிக்க எதிர்வாதக் குழுமம்), தூத்துக்குடி
  2. கே. பி. எடிசன் – பெந்தகோஸ்தே குழுமம்
  3. சின்னப்பா, கத்தோலிக்க பிஷப், மைலாபூர்
  4. இனிகோ இருதயராஜ்.

மாறி-மாறி ஒவ்வொருவரையும், இழுத்து வைத்து கேட்டு, அவர்கள் பதில் சொல்லிய விவரங்களின் தொகுப்பாகக் கீழே கொடுக்கப்படுகிறது:

பிஷப் சின்னப்பா: இந்திய அரசியல் நிர்ணயச் சட்டத்தில் உள்ள பிரிவுகளைச் சுட்டிக் காட்டி, பதிலளிக்க “இந்தியா எப்படி மதசார்பற்ற நாடு” என்று ஆரம்பித்தார். 25 முதல் 30 பிரிவுகளில் மைனாரிட்டிகளுக்குள்ள உரிமைக்மைகளைப் பற்றி எடுத்துக் காட்டினார்[5], பிறகு செக்யூலரிஸத்தைப் பற்றி பொதுவாக பேசினார்.

கருணாநிதி ஆட்சியில் தமிழகம் எல்லாத் துறைகளிலும் வளர்ச்சியடைந்துள்ளது, முன்னேறியுள்ளது என்று கூறிமுடித்தார்.

நாங்கள் அவரை பலமுறைச் சென்று பார்த்துள்ளோம், பேசியுள்ளோம். நாங்கள் என்றால், உடனடியாக “அப்பாயின்ட்மென்ட்” கொடுத்துவிடுவார்[6].

(தலித் கிருத்துவர்களின் நிலைப் பற்றி கேட்டபோது, அவர் முகத்தில் ஈயாடவில்லை. சட்டப்படி ஒன்றும் செய்யமுடியாது என்று தெரிந்தபிறகும், உளற ஆரம்பித்தார்). சட்டப்படி முடியாது என்றாலும் கருணாநிதி பிரதம மந்திரிக்கு கடிதம் எழுதினார். 1950ல் ஒரு சட்டம் இயற்றப்பட்டது என்றெல்லாம் உளறிக் கொட்டினார்[7]. அதன்படி முதலில் மதம் மாறிய சீக்கியர்களுக்கு எஸ்.சி சலுகை கொடுக்கச்ப் பட்டது, பிறகு நியோ-புத்திஸ்ட்டுகளுக்குக் கொடுக்கப் பட்டது. அதனை “கருப்பு வடு” என்றும் வர்ணித்தார்.

இந்து மதத்திலிருந்து மாறிய S.C கிருத்துவர்கள் தமிழகத்தில் B.C என்றும் M.B.C என்ற நிலையிலும் உள்ளனர். இருப்பினும் கிருத்துவ வன்னியர்கள் B.C யிலும், இந்து வன்னியர்கள் M.B.C யிலும் இருப்பதே பாரபட்சம் என்று பேசி, எரையூரில் நடந்த உண்மைகளை ஒட்டுமொத்தமாக மறைத்து பேசினார்[8]. மதம் மாறிய எஸ்.சி கிருத்துவர்களுக்கு சலுகைத் தொடர கருணாநிதி, மூன்று முறை கடிதம் எழுதியுள்ளதாக கூறினார்[9].

தலைவர்களைத் தேர்ந்தெடுக்க அவர்கள் சபைகளில் ஜெபித்து வருவதுண்டு, ஆனால், இம்முறை, தலைவர்கள் தேர்ந்தெடுக்கப் பட்டு, அவர்கள் மாறவேண்டும் என்று ஜெபிப்பதற்கு பதிலாக, நேரிடையாகவே, கருணாநிதிதான் முதல்வராக வேண்டும் என்று எல்லோரும் ஜெபிக்கவேண்டும். அதன்படியே, கிருத்துவர்கள், திமுகவிற்கு ஓட்டளிக்கவேண்டும் என்றார்.

எஸ். கே. ஜேசுபாதம், தூத்துக்குடி: (ஒரிசாவில், ஸ்டைன் என்ற பாதிரி எரித்துக் கொல்லப்பட்டார், கந்தமாலில் கிருத்துவர்கள் தாக்கப்பட்டனர், கர்நாடகத்தில் சர்ச்சுகள் தாக்கப்பட்டன. ஆனால், தமிழகத்தில் நிலைமை எப்படி இருந்தது என்று பேட்டிக் கண்டவர் இழுத்தார்.)

கருணாநிதி ஆட்சியில், தமிழகம் அமைதி பூங்காவாக இருந்தது. எந்த கலவரங்கள், வன்கொடுமைகள், கோரத்தாக்குதல்கள் எதுவும் நடக்கவில்லை. கருணாநிதி திரும்பவும் ஆட்சிக்கு வரவேண்டும் என்ற வாஞ்சை எங்களுக்கு உள்ளது என்றார்.

ஆலயம் (சர்ச்) இல்லாத இடங்களில் எல்லாம் ஆலயம் கட்டிக் கொள்ள கருணாநிதி உதவியுள்ளார். அரசு நிலமே கொடுக்கப் பட்டுள்ளது என்றெல்லாம் விவரித்தார்[10].

கே. பி. எடிசன்: மதம் மாற்றச் சட்டம் இருந்தபோது, பல அடக்குமுறைகள் செய்யப்பட்டன[11]. அச்சட்டம் நீங்க நாங்கள் இந்தியா முழுவதும் பிரார்த்தனை செய்தோம்.

மதம் மாறுவது என்பது பரிசுத்த ஆவி செய்கிறது. நான் கூட ஒரு ஆர்க்கிடெக்ட்டாக இருந்தபோது, நெஞ்சு வலி ஏற்பட்டது…… (பிரச்சார ரீதியில் அதிகமாக விவரிக்கும் போது, நிருபர் குறிப்பிட்ட விஷயத்திற்கு இழுக்கிறார்).

சர்ச் கட்டுவதற்கு கலெக்டர் அனுமதி வேண்டும் என்றமுறை இருக்கிறது. இது ஏன் என்று எங்களுக்குத் தெரியவில்லை-புரியவில்லை. ஆனால், சமீபத்தில் அவ்வாறு தேவையில்லை என்று கருணாநிதி ஆணையிட்டுள்ளார். அதுமட்டுமல்லாது, அரசு நிலத்தை எங்களுக்குக் கொடுத்து, அதில் சர்ச் கட்டிக் கொள்ள செய்துள்ளார்.

இந்துக்கள் காஷ்மீரத்தில் மைனாரிட்டியாக இருக்கிறார்கள்; பஞ்சாபில் மைனாரிட்டியாக இருக்கிறார்கள்; அந்நிலையில் மற்ற இடங்களிலும் துன்புறுத்தப் பட்டால், என்னவாகும் என்று யோசிக்கவேண்டும்[12].

இனிகோ இருதயராஜ்: குஜராத்தில் மோடி போன்றவர்கள் இருப்பதனால், சிறிய பிரச்சினைகள் பொறியை ஊதி பெரிதாக்குவது போல செய்யப்படுகிறது. கோத்ராவிற்குப் பிறகு, ஆயிரக்கணக்கான முஸ்லீம்கள் கொல்லப்பட்டபோது, அரசு நடவடிக்கை எடுத்திருக்கவேண்டும். ஆகவே மற்ற மாநிலங்களை ஒப்பிடும்போது, தமிழகத்தில் சிறுபான்மையினர் பாதுகாப்பாகவே இருந்துள்ளனர்.

11307 ஆசிரியர்கள் நியமனம்: கருணாநிதிக்கு சிறுபான்மை பிரதிநிதிகள் நன்றி  

சென்னை, மார்ச். 1- 11307 ஆசிரியர்கள் நியமனம் செய்ததிற்காக முதல்வர் கருணாநிதிக்கு சிறுபான்மை பிரதிநிதிகள் நன்றி தெரிவித்தனர். இது குறித்து தமிழக அரசு வெளியிட்டுள்ள செய்தி குறிப்பில் கூறியிருப்பதாவது:- 1991 ஜூன் மாதத்திற்குப் பிறகு -1999 ஆம் ஆண்டு மே மாதம் வரை அரசு அங்கீகாரம் பெற்றுச் செயல்படும் சிறுபான்மை மற்றும் சிறுபான்மையல்லாத பள்ளிகளுக்கு ஆண்டுக்கு 331 கோடி ரூபாய்ச் செலவில் 11,307 ஆசிரியர் பணியிடங்களையும், 648 ஆசிரியர் அல்லாத பணியிடங்களையும் அனுமதித்து முதல்-அமைச்சர் கருணாநிதி அண்மையில் ஆணை பிறப்பித்திருந்தார். இந்த ஆணையை வரவேற்று முதல்-அமைச்சர் கருணாநிதியை தலைமைச் செயலகத்தில் -தமிழகச் சட்டப் பேரவை உறுப்பினர்கள் பீட்டர் அல்போன்ஸ், அப்பாவு ஆகியோரும், தமிழ்நாடு கிறிஸ்தவ நல்லெண்ண இயக்கத் தலைவர் இனிகோ இருதயராஜ், பேராயர் எஸ்றா சற்குணம், சென்னை- மயிலை உயர் மன்ற மாவட்ட பேராயர் ஏ.எம். சின்னப்பா, தமிழ்நாடு சிறுபான்மையினர் நல ஆணையத்தின் தலைவர் வின்சென்ட் சின்னதுரை, தமிழ்நாடு சிறுபான்மை மேம்பாட்டுக் கழகத் தலை வர் சேவியர் அருள்ராஜ் உள்ளிட்ட கிறிஸ்தவ சமுதாய பிரதிநிதிகள். முஸ்லீம் லீக் மாநில அமைப்பாளர் எம்.கே.எம். முகமது ஷபி, தென்மாவட்ட இஸ்லாமிய பேரவைச் செயலாளர் மெகபூப் அலி, விருதுநகர் மாவட்ட இஸ்லாமிய பேரவை அமைப்புச் செயலாளர் கே.எஸ். மொகைதீன் உள்ளிட்ட சிறுபான்மை மற்றும் சிறுபான்மையல்லாத சமுதாயத்தைச் சார்ந்த பிரதிநிதிகள் – இன்று சந்தித்து நன்றி தெரிவித்தனர். வன்னியர் சமூக கிறித்துவ மக்களை மிகவும் பிற்படுத்தப்பட்டோர் பட்டியலில் இணைப் பதற்கான பூர்வாங்க நடவடிக்கைகளை மேற்கொண்டுள்ளதற்காகவும்; சென்னை வாழ் கிறித்துவ மக்களுக்காக, பழைய மாமல்லபுரம் சாலை, காரப்பாக்கம், தென் சென்னை, வடசென்னை ஆகிய 4 இடங்களில் கல்லறைத் தோட்டங்கள் அமைப்பதற்கு நிலம் ஒதுக்கித் தந்தமைக்காகவும் தங்களது நன்றியைத் தெரிவித்தனர். சிறுபான்மை மக்களின் நலனில் எப்பொழுதும் அக்கறை கொண்டு, அவர்களின் முன்னேற்றத்திற்காகத் தொடர்ந்து திட்டங்களைச் செயல்படுத்திக் கொண்டிருக்கிற முதல்- அமைச்சர் கருணாநிதிக்கும் தமிழக அரசுக்கும் தாங்கள் தொடர்ந்து ஆதரவு நல்குவதாகவும் தெரிவித்தனர். இவ்வாறு அதில் கூறப்பட்டுள்ளது.

கருணாநிதி கிருத்துவர்களுக்கு பல உதவிகள் செய்துள்ளார்கள்.

(எந்த ஐரோப்பிய நாட்டிற்கும் கிடைக்காத பாக்கியம், ஜெர்மனி போன்ற நாடுகளுக்குக் கிடைக்காத சிலாக்கியம் சென்னைக்குக் கிடைத்துள்ளது. புனித தாமஸ் சென்னைக்கு வந்துள்ளார் என்று நிருபர் “தாமஸ் கட்டுக்கதையை”அவிழ்ந்துவிட்டதும்[13], எதிர்ப்பார்த்துக் கொண்டிருப்பதைப் போல இவர் அளந்து கொட்ட ஆரம்பித்து விட்டார்). கிபி 52க்கு வந்தார்…………..வந்ததாக வரலாறு………………….(என்று கதை சொல்ல ஆரம்பித்துவிட்டார்)[14]. 2000ல் நாங்கள் கேட்டுக் கொண்டதற்கு இணங்க பரங்கிமலை என்ற பெயரை “புனித தாமஸ்மலை” என்ற பெயர் மாற்றம் செய்தார். இந்த வருடம் 2011 ஜனவரி 8ம் தேதி, அகில் இந்திய கத்தோலிக்க பிஷப் மாநாடு[15] நடந்தபோது, ஸ்டாலின் மற்றும் கருணாநிதியைப் பார்த்து கேட்டதும், அது தேசியத் திருத்தலம் மற்றும் சுற்றுலாத்தலம் என்று அறிவிக்கப் பட்டது.

கிரீன்வேஸ் சாலை, டி.ஜி.எஸ். தினகரன் சாலை என்று பெயர் மாற்றப்பட்டது. அவர் இறந்ததற்காக சட்டசபையில் இரண்டு நிமிடம் மௌன அஞ்சலி செய்யப்பட்டது[16]. இதையெல்லாம், நாங்கள் கேட்காமலேயே கருணாநிதி செய்துள்ளார்.

வீரமாமுனிவருக்கு, இலயோலாக் கல்லூரியில் இருக்கும் ஜெசுவைட்ஸ்களின் வேண்டுகோளிக்கிணங்க, விழா நடத்தப் பட்டது[17].

கால்டுவெல் வாழ்ந்த வீடு நினைவிடமக மற்றப்பட்டது.

இந்தியாவில் எந்த மாநிலமும் கொண்டாடாத நிலையில், ஏன் மேற்கு வங்க அரசே செய்யாத நிலையில்[18], தமிழகத்தில் அரசு தரப்பில் அன்னை தெரசா நுற்றாண்டு விழா நடத்தப் பட்டது. வள்ளுவர் கோட்டம் அருகிலுள்ள கைவினைஞ்சர் கட்டடத்திற்கு அன்னை தெரசா பெயர் சூட்டப்பட்டது.

ஒருமுறை ஒரு கிருத்துவக் குழந்தை இறந்தவுடன், அதனை அடக்கம் செய்ய இடம் இல்லாமல் போய்விட்டது. இந்த நிலையை ஸ்டாலினிடம் சொன்னவுடன், காரப்பாக்கத்தில் நான்கு ஏக்கர் நிலத்தை கல்லறைக்குக் கொடுக்க மேயர்  மூலம் ஏற்பாடு செய்தார். ஐ.டி. பார்க்கு உள்ள அந்த இடத்தில் இப்பொழுது, ஒரு ஏக்கர் நிலத்தின் விலை ரூ. 10 கோடிகளாகும்[19]. ஆனால், அரசு கிருத்துவர்களுக்காக, இலவசமாகவே கொடுத்துள்ளது. இதே மாதிரி நிலம் பல்லாவரம், நாமக்கல் முதலிய இடங்களிலும் கொடுக்கப்பட்டுள்ளது.

இந்தம்மா போப்பை விமர்சித்துள்ளது. மதமாற்றச் சட்டம் மனித உரிமைகளை மீறக்கூடியது என்று போப் சொன்ன்னபோது, அவர் இந்திய உள்விவகாரங்களில் தலையிடுகிறார், அது அவருக்கு அழகல்ல, என்று பேசியது[20].

நிருபர் முடிவாகச் சொன்னதும் திட்டமிட்டு செய்த பேட்டியே (stage-managed) என்று தெள்ளத்தெளிவாக எடுத்துக் காட்டியது. “ஆயர்களுக்கு எவ்வளவோ இறைப்பணி இருந்தாலும், இந்நிகழ்ச்சியில் பங்கு கொண்டுள்ளார்கள். அவர்கள் சொன்னதை மக்கள் கவனமாகக் கவனித்து, ஆழ்மனங்களில் பதிவு செய்து கொள்ளாவேண்டும். பிரார்த்திக்கவேண்டும். அப்பிரார்த்தனை, ஓட்டாகமாறி, வெற்றிப்பெறச் செய்யவேண்டும்”, என்றுவேறு இவரே முடிவில் பரிந்துரைக்கிறார்.

வேதபிரகாஷ்

10-04-2011


[1] மனோதத்துவ முறையில், இவையெல்லாம் பொருட்களை விற்க்கும் ரீதியில் உள்ளன. எல்லோருக்கும் மற்ற வசதிகள் உள்ளனவோ இல்லையோ, டிவி வாங்கி வைத்துக் கொள்கின்றனர். இலவச டிவி என்று வேறு கொடுக்கிறார்கள். ஆனால், தனியார்மயமாக்கத்திற்குப் பிறகு, இந்த டிவி செனல்களில் எந்த நிகழ்ச்சியை ஒளிப்பரப்பலாம் என்பதில், அரசு தலையீடு இல்லாததால், பணம் இருந்தால் போதும், எந்த நிகழ்ச்சியையும் ஒளிபடப்பலாம் என்ற நிலை ஏற்ப்பட்டுள்ளது.

[2] வேதபிரகாஷ், குல்லா போய் தொப்பி வந்தது டும், டும், டும், கஞ்சி போய் கேக் வந்தது…… ரௌல் ராபர்ட்டோ கந்தியின் மிரட்டல்களும் (2)!.,https://christianityindia.wordpress.com/2010/12/25/elections-change-tn-politicians-change-ideology-also/

[2] வேதபிரகாஷ், குல்லா போய் தொப்பி வந்தது டும், டும், டும், கஞ்சி போய் கேக் வந்தது…… ரௌல் ராபர்ட்டோ கந்தியின் மிரட்டல்களும் (3)!.,https://christianityindia.wordpress.com/2010/12/25/591/

[3] வேதபிரகாஷ், குல்லா போய் தொப்பி வந்தது டும், டும், டும், கஞ்சி போய் கேக் வந்தது அம், அம், அம்: திராவிட கட்சிகளின் கிருஸ்துமஸ் விழாவும், வாக்குறுதிகளும், ரௌல் ராபர்ட்டோ கந்தியின் மிரட்டல்களும் (1)!,https://christianityindia.wordpress.com/2010/12/24/political-prostitution-during-christmas-celebration/

https://christianityindia.wordpress.com/2010/12/25/appeasing-christians-dravidian-way/

[3] “சம்ஸ்கார்” என்ற பிரபலமான, பலரால் பார்த்துவந்த செனல் “பே-செனலாக்க”ப் பட்டது, அதாவது பணம் கொடுத்தால் தான், அந்த செனலை பார்க்கமுடியும்.

உத்திரபிரதேசத்திலிருந்து, வந்து இந்துக்களுக்காக என்று ஒரு சேனலை ஆரம்பிக்க வந்தவர்களிடம் ரூ.40 லட்சம் கேட்டு விரட்டியடிக்கப்பட்டனர்.

ஆனால், அதே நேரத்தில், கிருத்துவர்களின் பிரச்சார செனல்கள் அதிகமாவதுடன், மற்ற பிரபலமான செனல்களிலும், முக்கியமான நேரத்தில், அவர்களது பிரச்சார நிகழ்ச்சிகள் ஒளிபரப்பாகின்றன.

[4] பலமுறை, கிருத்துவர்களின் அனைத்துலக மதம் மாற்றத்திட்டங்கள் – ஜோஸுவா திட்டம், அறுவடை 2010 திட்டம், ஏசு உலகத்திற்கே என்பனவற்றைப் பற்றி – அந்தந்த இணைத்தளங்களே, தங்களது செயல்திட்டங்களைப் பற்றி விவரித்துள்ளன. ஆகவே, இவற்றின் மூலம் பணம் பட்டுவாடா நடக்கிறது என்பது திண்ணம். சமீபத்தில் ஆயிரக்கணக்கான அயல்நாட்டு கம்பெனிகள் இந்தியாவில் தொழில் துவங்க ஆரம்பித்துள்ளன. அவற்றின் மூலமாகவும் பணம் கொடுக்கப்படுகின்றது.

[5] இந்து பள்ளிகள் மற்றும் கல்லூரிகள், எப்படி கிருத்துவ, முஸ்லீம் மற்றும் இதர சிறுபான்மை பள்ளிகள் மற்றும் கல்லூரிகள் முதலியவற்றை ஒப்பிடும்போது, பாரபட்சமாக்கப் படுகின்றன முதலியவற்றைப் பற்றி மூச்சுவிடவில்லை.

[6] அத்தகைய ரகசிய பந்தத்தை-உறவின் தன்மையினை அறிந்துக்கொள்ளத்தான் வேண்டியுள்ளது.

[7] The Scheduled Caste Presidential Order 1950 என்பதைத்தான், அவர் சட்டம் என்று குறிப்பிட்டது. இது இந்துக்களுக்காக ஏற்படுத்தப் பட்டதே தவிர மற்றவர்களுக்கு அல்ல. சீக்கியர்களுக்கு, நியோ-பௌத்தர்களுக்கு அளிக்கப் பட்டது என்றால், பிரிவு 25ன் படி அவர்கள் “இந்துக்கள்” என்ற தொகுப்பில் வருகிறார்கள். ஆகவே, இந்துக்களாக இருப்பவர்களுக்கு அந்த தகுதி உள்ளது. ஆகவே, மதம் மாறியவர்கள் அட் ஹ்தகைய இட-ஒதுக்கீட்டு சலுகையைக் கேட்பது அர்த்தமே இல்லை.

[8] எரையூர் என்ற இடத்தில் வன்னியர்களுக்குள், சிலர் கிருத்துவ மதம் மாறியதால், பிரச்சினை ஏற்ப்பட்டது. ஜாதி ரீதியாக எப்படி, அதிகாரத்தில் உள்ள கிருத்துவர்கள், மற்றவர்களை அடக்கி ஆள்கிறார்கள், பலன்களை அனுபவித்து வருகிறார்கள் என்பதனை எதிர்த்து போராடிய போது, கிருத்துவர்களின் போலித்தனம் உலகத்திற்கே தெரியவந்தது. இருப்பினும், அது மற்ற ஜாதி-மோதல்கள் போன்று ஊடகங்களில் காட்டி, மக்களை கிருத்துவர்கள் ஏமாற்றினர்.

[9] மூன்று முறை அல்ல, மூன்று கோடி முறை எழுதினாலும், எந்த பிரயோஜனமும் இல்லை என்பது உலகத்திற்கே தெரியும். இருப்பினும், இப்படி கிருத்துவர்கள் நாடகம் ஆடிவருவது நோக்கத்தக்கது.

[10] முதலில் கேட்பவர்களுக்கு “ஆலயம்” என்பதும் சந்தேகம் வந்தது, பிறகுதான், நன்றாகவே புரிந்தது, அவர் சர்ச்சைத்தான் அப்படி வேண்டுமென்றே குறிப்பிடுகின்றார் என்பது தெரிந்தது.

[12] இது ஏதோ இந்துக்களை மிரட்டுவது போல இருந்தது. அது மட்டுமல்லாது, இந்துக்கள் எல்லோரையும் மதம் மாற்றி, சிறுபான்மையினராக மாற்றி விடுவோன் என்ற தோரணையில் பேசியது தெரிந்தது.

[13] அந்த நிருபர் திட்டமிட்டே, இந்த கட்டுக்கதையினைப் பற்றி பேசவேண்டும் என்ற சந்தர்ப்பத்தினை நஏற்படுத்துக் கொடுத்தது போல இருந்தது.

[16] மற்ற மதத்தலைவர்கள் இறந்தபோது, சமதர்ம அடிப்படையில் ஏன் அவ்வாறு மௌன அஞ்சலி செய்யவில்லை என்று எந்த எம்.எல்.ஏவும் கேட்காதது ஆச்சரியமான விஷயமே.

[17] இவர் சிவஞான முனிவரின் நூல்களை எரித்ததுப் பற்றி, தமிழர்களுக்கு தெரியாமலேயே இருப்பதும் கேவலம் தான். அவரை மறந்த தமிழர்கள், இந்த தமிழ் துரோகிகளுக்கு விழா நடத்துவது என்னவென்று சொல்வது என்று தெரியவில்லை.

[18] அதாவது, அந்த அளவிற்கு, கருணாநிதிக்கு பித்தம் ஏற்பட்டுவிட்டதா அல்லது கருணநிதியை, ஒரு கிருத்துவ அடிமை / ஏஜென்டு போல வைத்திருக்கின்றனர் என்று தெரிகிறது.

[19] அதாவது ரூ.40 கோடிகள் மதிப்பில் உள்ள நிலத்தை கல்லறைக்காகக் கொடுக்கப் பட்டது என்கிறார்கள். உண்மையில் அங்கு கல்லறைக் கட்டப் போகிறார்களா அல்லது வேறு எதையாவது கட்டப் போகிறார்களா என்று கவனிக்க வேண்டும்.

https://christianityindia.wordpress.com/2011/02/10/christian-land-grabbing-continues-in-tamilnadu/

[20] இப்படி ஜெயலலிதாவை அது-இது என்று ஒருமையில் பேசியது அவர்களுக்கு அந்த அளவிற்குக் கூட நாகரிகம் தெரியவில்லையா அல்லது அந்த அளவிற்கு தீர்மானமாக எதிர்ப்புத் தன்மையினை வளர்த்துக் கொண்டு இருக்கிறார்களா என்று தெரியவில்லை.

குறிச்சொற்கள்: , , , , , , , , , , ,

5 பதில்கள் to “எல்லா கிருத்துவர்களும், திமுகவிற்கு ஓட்டுப் போடவேண்டும் – கலைஞர் டிவியில் பிஷப்புகள் பிரச்சாரம் (1) !”

  1. எல்லா கிருத்துவர்களும், திமுகவிற்கு ஓட்டுப் போடவேண்டும் – கலைஞர் டிவியில் பிஷப்புகள் பிரச்ச Says:

    […] [14] https://christianityindia.wordpress.com/2011/04/11/all-christians-should-vote-for-dmk/ […]

  2. கஞ்சி குடித்த கருணாநிதியும், கேக் சாப்பிட்ட ஜெயலலிதாவும்: கிறிஸ்தவர்கள் ஜெருசலேம் செல்ல அரசு Says:

    […] [9] https://christianityindia.wordpress.com/2011/04/11/all-christians-should-vote-for-dmk/ […]

  3. கிருத்துவ பிஷப்புகள் பலகுரல்களில் பேசுவது: கூடங்குள நாடகம் (2)! « இந்தியாவில் கிருத்துவம் Says:

    […] [7] https://christianityindia.wordpress.com/2011/04/11/all-christians-should-vote-for-dmk/ […]

  4. 2011 மற்றும் 2016 தேர்தல்கள் – கிறிஸ்தவ மத-அடிப்படைவாதம் மறைக்கும் கிறிஸ்தவர்களின் ஊழல்கள், கற்பழி Says:

    […] [1] https://christianityindia.wordpress.com/2011/04/11/all-christians-should-vote-for-dmk/ […]

  5. 2011 மற்றும் 2016 தேர்தல்கள் – கிறிஸ்தவ மத-அடிப்படைவாதம் மறைக்கும் கிறிஸ்தவர்களின் ஊழல்கள், கற்பழி Says:

    […] [1] https://christianityindia.wordpress.com/2011/04/11/all-christians-should-vote-for-dmk/ […]

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s


%d bloggers like this: