கற்பழிப்பு பாதிரிக்கு நிபந்தனைகளுடன் கூடிய முன்ஜாமீன் கொடுக்கப்பட்டுள்ளது: மற்ற பாதிரிகளுக்கு நிபந்தனையற்ற ஜாமீன்!

கற்பழிப்பு பாதிரிக்கு நிபந்தனைகளுடன் கூடிய முன்ஜாமீன் கொடுக்கப்பட்டுள்ளது: மற்ற பாதிரிகளுக்கு நிபந்தனையற்ற ஜாமீன்!

நவம்பர் 1, 2010: பாதிரியை காணவில்லை, தலைமறைவாக இருந்தாலும், கைது செய்யப்படலாம் என்ற நிலை ஏற்பட்டபோது[1], முன்ஜாமீனிற்காக மனு செய்யப்பட்டது. திருச்சியில் கன்னியாஸ்திரி பிளாரன்ஸ் மேரியை கற்பழித்த வழக்கில் சாட்சிகளை கலைக்கும் அபாயம் இருப்பதால், செயின்ட் ஜோசப் கல்லூரி முன்னாள் முதல்வர் பாதிரியார் ராஜரத்தினத்திற்கு முன்ஜாமீன் கூடாது என, மதுரை ஐகோர்ட் கிளையில் 01-11-2010 அன்று ஆட்சேபம் தெரிவிக்கப்பட்டது[2]. திருச்சி செயின்ட் ஜோசப் கல்லூரி முதல்வராக இருந்தவர் பாதிரியார் ராஜரத்தினம். இவர் மீது, கன்னியாஸ்திரி பிளாரன்ஸ் மேரி கொடுத்த புகாரின்படி போலீசார், கற்பழிப்பு வழக்கு பதிவு செய்தனர்[3]. மேரியைத் தவிர மற்ற பெண்களையும் செஸ் தொல்லைக்குட்படுத்தினார்[4] என்ற லிஸ்ட் கொடுக்கப்பட்டது[5]. ஜாதிரீதியிலும், கிருத்துவ அமைப்புகள் தனித்தனியாக பாதிரிகளை எதிர்த்தும் ஆதரித்தும் போராட்டங்கள் நடத்தின[6].

நவம்பர் 2, 2010: முன்ஜாமீன் கேட்ட பாதிரி ராஜரத்தினம் ஆஜராகவில்லை: திருச்சியில் கன்னியாஸ்திரி கற்பழிப்பு வழக்கில் திருச்சி புனித ஜோசப் கல்லூரி முதல்வர் ராஜரத்தினம் உள்பட 4 பேருக்கு (பாதிரியார்களுக்கு) மதுரை ஐகோர்ட் கிளை இன்று முன்ஜாமீன் வழங்கியது[7]. திருச்சி கன்னியாஸ்திரி லாரன்ஸ் மேரி. இவர் பாதிரியார் ராஜரத்தினம் தன்னை கற்பழித்து விட்டதாகவும், இதனை தட்டி கேட்டதால் தேவதாஸ், ஜோன்ஸ் எலியட், சேவியர் உள்ளிட்ட 3 பேர் தன்னை மிரட்டியதாகவும் புகார் தொடர்ந்திருந்தார். இந்த வழக்கில் 4 பேரும் முன்ஜாமீன் கோரி மனு தாக்கல் செய்திருந்தனர். மனுவை விசாரித்த நீதிபதிகள் ராஜரத்தினம் உள்பட 4 பேருக்கும் முன் ஜாமீன் வழங்கி உத்தரவிட்டனர். ஆனால், முன்ஜாமீன் கேட்ட பாதிரி ராஜரத்தினம் ஆஜராகவில்லை எனத்தெரிகிறது. “மறுநாள் மாலை 6 மணிக்குள் (08-11-2010) பாதிரியார் ராஜரத்தினம், திருச்சி கோர்ட்டில் சரணடைந்து உரிய ஜாமீன் பத்திரங்களை தாக்கல் செய்து முன்ஜாமீன் பெறலாம்”, என்றதிலிருந்து அவ்வாறு ஊகிக்கிலாம்.

இதன் மீதான விவாதம் வருமாறு: மனுதாரர் வக்கீல் ஐசக் மோகன்லால்[8]: “பிளாரன்ஸ் மேரி ஆக., 25ல் சகோதரிகள் சபை தலைவருக்கு ஆங்கிலம், தமிழில் இரு கடிதங்களை எழுதினார். செப்., 23லும் கடிதம் எழுதினார். இதில் ராஜரத்தினம் பேசாமல் போய் விடுவாரோ என்ற ஐயத்தில், அவரது விருப்பத்திற்கு பணிந்ததாக குறிப்பிட்டார். பின், அவரை சபையில் இருந்து சஸ்பெண்ட் செய்யவும் கற்பழிப்பு புகார் கொடுத்தார். இதில் உள்நோக்கம் உள்ளது[9]. ராஜரத்தினம் 2006 ஜன., 22ல் கற்பழித்ததாகவும், 2008 ஏப்ரலில் கருவை கலைத்ததாகவும், 2010 அக்., 12ல் பிளாரன்ஸ் மேரி புகார் கொடுத்துள்ளார். ஒவ்வொன்றுக்கும் இரண்டு ஆண்டுகள் இடைவெளி உள்ளது. பொய்ப் புகார் கொடுக்கப்பட்டுள்ளது. சம்பந்தமின்றி மூவர் சேர்க்கப்பட்டுள்ளனர். முன்ஜாமீன் வழங்க வேண்டும்”, என்று வாதாடினார்.

பிளாரன்ஸ்மேரி வக்கீல்கள் சங்கர்கணேஷ், இருதயதாஸ்: “மொபைல் போனில் படமெடுத்து மிரட்டியதால், பிளாரன்ஸ்மேரியால் புகார் கொடுக்க முடியவில்லை. தற்போது புகாரை வாபஸ் பெற மிரட்டல் விடப்படுகிறது. நடவடிக்கை எடுக்க போலீசார் தயங்குகின்றனர். ராஜரத்தினத்தை கைது செய்து விசாரித்தால் உண்மை தெரியும்”, என்று வாதாடினர்.

அரசு வக்கீல் அன்புநிதி: மனுதாரர்களை ஜாமீனில் விட்டால், சாட்சிகளை கலைக்கும் அபாயம் உள்ளது.

சகோதரிகள் சபை தலைவர் சேவியர் மரியதங்கம் வக்கீல் முகமது மொய்தீன்: சபை தலைவருக்கு பிளாரன்ஸ் மேரி எழுதிய கடிதங்களில் ஒன்று ரோம் நகருக்கு அனுப்பப்பட்டு விட்டது[10]. தேவையின்றி சபையை இழுக்க கூடாது[11].

நிபந்தனைகள் கூடிய ஜாமீன்: “முன்ஜாமீன் மனு மீது தீவிர விசாரணை மேற்கொண்டால், வழக்கு விசாரணையில், அரசு அல்லது எதிர்தரப்பை பாதிக்கும், ஆகவே நிபந்தனைகளுடன் முன்ஜாமீன் அனுமதிக்கப்படுகிறது. பாதிரியார் ராஜரத்தினம், வருகிற 8-ந்தேதி திருச்சி கோட்டை போலீஸ் நிலையத்தில் விசாரணைக்காக ஆஜராக வேண்டும். போலீஸ் விசாரணைக்கு அவர் ஒத்துழைக்க வேண்டும். இன்ஸ்பெக்டர் புகார் குறித்து டி.கே.பாசு, நந்தினி சர்புதீன் வழக்குகளில் சுப்ரீம் கோர்ட் பிறப்பித்த வழிகாட்டுதல்படி அவரிடம் விசாரிக்கலாம்[12]. நவ., 9 மாலை 6 மணிக்கு திருச்சி முதலாவது மாஜிஸ்திரேட் கோர்ட்டில் 25 ஆயிரம் மதிப்புள்ள சொத்து பத்திரங்கள், இரு நபர் உறுதி பத்திரங்களை தாக்கல் செய்து ராஜரத்தினம் ஜாமீனில் செல்லலாம். பாதிரியார் ராஜரத்தினத்தை மருத்துவ பரிசோதனைக்கு உட்படுத்த வேண்டும் என்று போலீஸ் கருதினால், அவரை மருத்துவ பரிசோதனைக்கு உட்படுத்தலாம். அதற்கு அவர் ஒத்துழைக்க வேண்டும். மறுஉத்தரவு வெளியிடும் வரை காலை, மாலையில் ஸ்டேஷனில் கையெழுத்திட வேண்டும். ராஜரத்தினத்தை மருத்துவ சோதனைக்கு அனுப்புவது குறித்து, போலீசார் மாஜிஸ்திரேட் கோர்ட்டில் மனுச் செய்து உத்தரவு பெறலாம். மற்ற மூவரும் போலீஸ் விசாரணைக்கு அழைக்கும் போது ஆஜராக வேண்டும்”, இவ்வாறு நிபந்தனை விதிக்கப்பட்டுள்ளது. பாதிரியார் ராஜரத்தினம் தவிர மற்றவர்களுக்கு எந்த நிபந்தனையும் விதிக்கப்படவில்லை[13].

பொறுப்புள்ள பெரிய ஜெஸுவைட் பாதிரிகள் சம்பந்தப் பட்டிருப்பது ஆச்சரியமாக இருக்கிறது: இதில் சம்பந்தப்பட்டுள்ளவர்களைப் பார்த்தால் மிகப்பெரிய ஜெஸுவைட் பாதிரிகளைப் போல உள்ளது. மேலும், அவர்கள் தென்னிந்தியாவின் பெரிய பொறுப்பில் அதிகாரத்துடன் இருக்கின்றவர்கள். அந்த மற்றவர்[14]

1. தேவதாஸ், ஜெஸுவைட் பாதிரி தென்னிந்தியாவிற்கு பிராந்திய பொறுப்பு – Rev. Fr. Devados, Jesuit Provincial (head of Jesuit organisations in four southern States) based at Dindigul;

2. ஜோ சேவியர், ஜெஸுவைட் பாதிரி, பிராந்திய சட்ட ஆலோசகர்[15] – Rev. Fr. Joe Xavier, legal counsel to the Provincial, and

3. சேவியர் வேதம், ஜெஸுவைட் பாதிரி, Rev. Fr. Xavier Vedham, professor, Arulanandar College at Karumattur.

தட்டி கேட்டதால் தேவதாஸ், ஜோன்ஸ் எலியட், சேவியர் உள்ளிட்ட 3 பேர் தன்னை மிரட்டியதாகவும் ப்ளோரன்ஸ் மேரி புகார் தொடர்ந்திருந்தார். ஆனால், இங்கு ஜோன்ஸ் எலியட் என்னவானார் என்று தெரியவில்லை.

பாதிரிகள் தரப்பில் ஆஜரான ஐஸக் மோஹன்லால்: ஐஸக் மோஹன்லால் என்ற வக்கீல் பாதிரிகள் தரப்பில் ஆஜராகியுள்ளார். இவர் மதுரை வக்கீல் சங்கத்தின் காரியதரிசி (secretary of the Madurai Bench High Court Advocates Association) மற்றும் பார் கவுன்சிலின் தலைவர் ஆவர். மதுரையில் உள்ள முக்கியமான விஐபியாக உள்ளவர், மு.க.அழகிரிக்கு மிகவும் நெருக்கமானவர் எனத்தெரிகிறது[16]. இவர் அடிக்கடி கிருத்துவர்களின் உரிமைகள் என்றெல்லாம் பேசி வருகின்றவர். ஆக மொத்தம், இது அவர்களின் உள்-பூசல், சண்டை விவகாரங்கள் பெரிதாகி வெளிவந்து விட்டது எனத்தெரிகிறது. உரிமைகள் பேசும், இந்த வக்கீல் எப்படி ஒரு பாதிக்கப் பட்ட பெண்மணிக்கு எதிராக வாதிடுகிறார் என்று தெரியவில்லை. வக்கீல் தொழிலில் இதெல்லாம் சகஜம் எனலாம், இருப்பினும், இன்றைய நிலையில், இப்படி பாரபட்சமாக செயல்படும் போக்கில் குற்றம் செய்தவர்கள் தப்பிக்கக் கூடாது, அப்பாவிகள் பாதிக்கப் படக்கூடாது. நீதி, சட்டங்கள் வளைக்கப்படக் கூடாது.

ராஜரத்தனத்திற்கு மருத்துவ பரிசோதனை செயப்படுமா? பாதிரியருக்கு அதிகமாக சலுகை அளிக்கப் படுகிறதா? “பாதிரியார் ராஜரத்தினத்தை மருத்துவ பரிசோதனைக்கு உட்படுத்த வேண்டும் என்று போலீஸ் கருதினால், அவரை மருத்துவ பரிசோதனைக்கு உட்படுத்தலாம். அதற்கு அவர் ஒத்துழைக்க வேண்டும்”, என்று நீதிமன்றம் சொல்வதே வேடிக்கையாக இருக்கிறது. அதாவது, வக்கீல் வாதாடியபடி, அவர் நேர்மையானவர் என்றால், சோதனைக்குட்பட்டு தனது தூய்மைத்தனத்தை மெய்ப்பிக்கலாமே? ஏன் அதில் அவருக்குத் தயக்கம்?

“அதற்கு அவர் ஒத்துழைக்க வேண்டும்”: அப்படியென்றால், ஏன் அந்நிலை வருகிறது? இதுவரை ஒத்துழைப்பு ஏன் தரவில்லை? எதற்கு கோர்ட்டே அதை ஒரு நிபந்தையாக வைத்துள்ளது? எதை அவர் மறைக்கப் பார்க்கிறார்? இந்தியாவில் நீதி, சட்டம் முதலியவை அனைவருக்கும் ஒன்று என்றால், அம்முறைகள் எல்லொருக்கும் தான் செயல்படுத்தப் படவேண்டும். எப்படி பிரேமாநந்தாவிற்கு பரிசோதனை செய்து குற்றத்தை கண்டுபிடித்து சிறையில் அடைக்கப் பட்டாரோ அல்லது இல்லையென்று விடுவிக்கப்பட வேண்டுமானாலும், பரிசோதனை முக்கியமாகிறது. ஏற்கெனவே மேரி கற்பழிக்கப்பட்டிருக்கிறாள் என்று மருத்துவ ரீதியில் சோதிக்கப்பட்ட பிறகு, இவர் இப்படி தப்பித்துக் கொள்வது சரியாக இல்லை.

மொபைல் போனில் படமெடுத்து மிரட்டியதால்…..”: ராஜரத்தினம் மேரியை மயக்க மருந்து கொடுத்து கற்பழித்து விட்டு, மொபைலில் படமெடுத்ததாக கூறப்படுகிறதே, அப்படியென்றால், ஏன் போலீஸார் அதனைத் தேடி கைப்பற்றக் கூடாது? லெனின் குருப் கூட அமைதியாகத்தான் உள்ளார், பாவம் கோபால் உத்தரவு இடவில்லை போலும்! சன் டிவிக்குக் கிடைத்திருந்தால், ஒருவேளை ஒளிபரப்பியிருப்பார்களோ என்னவோ?

நவம்பர் 8, 2010:…………………………………………………………………………………………………?????????

வேதபிரகாஷ்

© 04-11-2010


[1] தினமலர், திருச்சி கல்லூரி முதல்வர் கன்னியாஸ்திரியின் கற்பழிப்பு புகாரில் கைதா? அக்டோபர் 26, 2010, http://www.dinamalar.com/News_Detail.asp?Id=114364

[2] வேதபிரகாஷ், கற்பழிப்பு பாதிரிதிருச்சி கல்லூரி முதல்வர் புகாரில் கைதா? “உடனே கைது செய்யப் போகிறீர்களா?’- “தற்போது அதுபோன்ற எண்ணம் இல்லை, https://christianityindia.wordpress.com/2010/10/28/கற்பழிப்பு-பாதிரி-திருச/

[3] வேதபிரகாஷ், பாதிரியார் மயக்க மருந்து கொடுத்து கற்பழிப்பு, கருகலைப்பு, போனில் ஆபாச படமெடுப்பு!, https://christianityindia.wordpress.com/2010/10/13/பாதிரியார்-மயக்க-மருந்து/

[4] வேதபிரகாஷ், கன்னியாஸ்திரி கற்பழிப்பு கற்பழிப்பு விவகாரம் பெரிதாகிறதுமேலும் பல கன்னியாஸ்திரிகளுக்கு செக்ஸ் தொந்தரவு கொடுத்தார், https://christianityindia.wordpress.com/2010/10/20/nun-raped-case/

[5] வேதபிரகாஷ், கிளினஸ், உஷா, மேரி என தொடரும் பட்டியல்: பலான பாதிரியின் பலே லிஸ்ட்!, https://christianityindia.wordpress.com/2010/10/23/கிளினஸ்-உஷா-மேரி-என-தொடரு/

[6] வேதபிரகாஷ், பாதிரியார்களின் செக்ஸ் லீலைகள் குறித்து விரைவில் ஆதாரத்துடன் அம்பலப்படுத்துவோம்”, கிருத்துவ அமைப்புகள் போராட்டம்!, https://christianityindia.wordpress.com/2010/10/22/jesuit-sex-scandal-trichy/

[7] http://www.dinamalar.com/News_Detail.asp?Id=119493

[8] http://www.dinamalar.com/News_Detail.asp?Id=119532

[9] ஒரு பெண் வெளிப்படையாக ஒரு ஆண் தன்னை கற்பழித்து விட்டான் என்று சொல்வதில் என்ன உள்நோக்கம் இருக்கிறது என்று தெரியவில்லை. மேலும் அவள் ஏற்கெனெவே மருத்துவ பரிசோதனைக்குட் படுத்தப் பட்டு, கற்பழிக்கப்பட்டுள்ளாள் என்பதும் ஊர்ஜிதம் ஆகிவிட்டது. பிறகு, அவளுக்கு என்ன உள்நோக்கம் இருக்கிறது?

[10] ஜாஸ்மீன் என்ற கேரள கன்னியாஸ்திரி எழுதிய புத்தகத்தில் பாதிரிகளின் காமவேலைகளை வெளிப்படுத்தி சாடியுள்ளார்.

[11] வாடிகன் இப்பிரச்சினையில் வெகுவாகவே கவனம் செல்லுத்தி வருகிறது. மேலும் ஆயிரக்கணக்கான பாதிரிகள் இப்படி செக்ஸ் கற்பழிப்புகள், ஃபிடோஃபைல் பாலியல் குற்றங்களில் ஈடுபடுவது, போப்பிற்கு பெரிய தலைவலியாக இருக்கிறது.

[12] http://www.dinamalar.com/News_Detail.asp?Id=119832

[13] தினத்தந்தி, கன்னியாஸ்திரியை கற்பழித்ததாக குற்றச்சாட்டு: பாதிரியார் ராஜரத்தினத்திற்கு நிபந்தனையுடன் முஞாமீன் விசாரணைக்காக போலீஸ் நிலையத்தில் ஆஜராக ஐகோர்ட் உத்தரவு, http://www.dailythanthi.com/article.asp?NewsID=604948&disdate=11/4/2010

[14] http://hindu.com/2010/11/04/stories/2010110462020300.htm

[15] இதெல்லாம் வேலியே பயிரை மேய்ந்த கதை தான். இவர்களிடம் எந்த நியாயத்தையும் எதிர்பார்க்க முடியாது. இந்த கேசை அப்படியே கொஞ்சம்-கொஞ்சமாக மக்களின் மனங்களினின்று மறைய ஆவண செய்தாலும் ஆச்சரியப்படுவதற்கு இல்லை.

[16] http://www.hindu.com/2009/08/23/stories/2009082354260600.htm

குறிச்சொற்கள்: , , , , , , , , , , ,

5 பதில்கள் to “கற்பழிப்பு பாதிரிக்கு நிபந்தனைகளுடன் கூடிய முன்ஜாமீன் கொடுக்கப்பட்டுள்ளது: மற்ற பாதிரிகளுக்கு நிபந்தனையற்ற ஜாமீன்!”

  1. M. M. Enathi Reddy Says:

    I remember in the case of Pramodh Muthalik, the media had been after him to expose his eccentricities, but, he go god publicity and disappeared.

    Here, the media was keeping quite without reporting the facts, if at all, they want to cover the proceedings regularly.

  2. M. M. Enathi Reddy Says:

    Tiruchi principal granted advance bail in rape case

    Staff Reporter
    http://hindu.com/2010/11/04/stories/2010110462020300.htm

    MADURAI: The Madras High Court Bench here on Wednesday granted anticipatory bail to Rev. Fr. R. Rajarathinam (55), Principal of St. Joseph’s College in Tiruchi, and three other clergymen in a rape case registered against them on the basis of a complaint lodged by a former clergywoman.

    Justice G. Rajasuria directed Fr. Rajarathinam to appear before the All Women police station at Fort in Tiruchi on Monday for interrogation.

    Thereafter, he was ordered to sign at the police station daily until further orders. T

    he three other accused were granted advance bail without any condition.

    Rev. Fr. Devados, Jesuit Provincial (head of Jesuit organisations in four southern States) based at Dindigul; Rev. Fr. Joe Xavier, legal counsel to the Provincial, and Rev. Fr. Xavier Vedham, professor, Arulanandar College at Karumattur near here, were accused of attempting to suppress the alleged crime.

    Different versions

    The judge recorded submissions made by petitioners’ counsel Isaac Mohanlal that the complainant’s allegations could not be believed for she had given three different versions of her relationship with Fr. Rajarathinam.

    She admitted to have yielded to his desire in a letter written to Superior General of St. Anne’s Generalate at Crawford on August 25, 2010 seeking forgiveness.

    In a letter written to the Provincial on September 23, she claimed to have been raped.

    Subsequently, in her complaint to the police, she alleged to have been raped under the influence of drugs.

    Further, she claimed to have been raped first on January 22, 2006.

    She also reportedly aborted in April 2008 but has preferred to lodge a complaint only now thereby raising doubts over her genuineness, the counsel said.

  3. கன்னியாஸ்திரி கற்பழிப்பு: தொடரும் மரணங்கள், மர்மங்கள், மறைப்புகள்! « இந்தியாவில் கிருத்துவம Says:

    […] , https://christianityindia.wordpress.com/2010/11/04/rape-accused-jesuit-gets-conditional-bail/ […]

  4. கன்னியாஸ்திரி கற்பழிப்பு: தொடரும் மரணங்கள், மர்மங்கள், மறைப்புகள்! « இந்தியாவில் கிருத்துவம Says:

    […] , https://christianityindia.wordpress.com/2010/11/04/rape-accused-jesuit-gets-conditional-bail/ […]

  5. எல்லா கிருத்துவர்களும், திமுகவிற்கு ஓட்டுப் போடவேண்டும் – கலைஞர் டிவியில் பிஷப்புகள் பிரச்ச Says:

    […] வேதபிரகாஷ், கற்பழிப்பு பாதிரிக்கு நிபந்தனைகளுடன் கூடிய முன்ஜாமீன் கொடுக்கப்பட்டுள்ளது: மற்ற பாதிரிகளுக்கு நிபந்தனையற்ற ஜாமீன்!, https://christianityindia.wordpress.com/2010/11/04/rape-accused-jesuit-gets-conditional-bail/ […]

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s


%d bloggers like this: